चंद्रपूर : मोहफुल वेचण्यासाठी जंगलात गेलेल्या काका, पुतण्यावर वाघाने हल्ला करून ठार केले. मंगळवारी (ता. 6) सकाळच्या सुमारास पवनपार ते खैरी मार्गावर ही घटना घडली. मृताचे नाव कमलाकर ऋषी उंदिरवाडे (वय 65), दुर्वास उंदिरवाडे (वय 48) अशी मृतांची नावने आहे. आठवड्यातील ही तिसरी घटना आहे. 

हेही वाचा - परीक्षेच्या पार्श्वभूमीवर शिक्षकांचे लसीकरण करा; आमदारांसह संघटनांची मागणी

सिंदेवाही तालुक्‍यातील बहुतांश भाग जंगलाने व्याप्त आहे. अनेक गावे जंगलाला लागूनच आहे. त्यामुळे वन्यप्राण्यांचा वावर नेहमीच गावात असतो. सध्या मोहफुल वेचणीचा हंगाम सुरू आहे. हाताला कामे नसल्याने अनेकजण सकाळीच जंगलात जाऊन मोहफुल संकलित करतात. पवनपार येथील कमलाकर ऋषी उंदिरवाडे आणि दुर्वास उंदिरवाडे हे काका पुतणे मंगळवारी सकाळीच पवनपार येथील जंगलात गेले होते. 

हेही वाचा - कारमध्ये सापडले सहा पेट्या जिलेटिन; दोघांना अटक, दहशतवादविरोधी पथकाची कारवाई

पवनपार ते खैरी या मार्गावर दोघेही मोहफुल गोळा करीत होते. त्याने दबा धरून बसेलल्या वाघाने आधी काकावर आणि नंतर पुतण्यावर हल्ला करून ठार केले. या घटनेची माहिती गावात पसरली. त्यानंतर वनविभागालाही या घटनेची माहिती देण्यात आली. घटनास्थळावर पवनपार, गुंजेवाही, पवना, खैरी, टेकरी, सामदा या गावांतील नागरिकांनी मोठी गर्दी केली होती. आठवड्यातील ही तिसरी घटना आहे. दरम्यान, या वाघाचा बंदोबस्त करण्यात यावा, अशी मागणी परिसरातील नागरिकांनी केली आहे.