Accused of threatening girl in Achalpur in Amravati 
विदर्भ

एकतर्फी प्रेम करणारा मजनू म्हणाला, 'लग्न कर, नाहीतर मरायला तयार राहा'

सकाळ वृत्तसेवा

अमरावती : शिवचरण वासुदेव वखरे (वय 30) हा परिसरात राहणाऱ्या एका 26 वर्षीय युवतीवर एकतर्फी प्रेम करीत होता. एकतर्फी प्रेमातून त्याने अनेकदा युवतीचा पाठलाग करून प्रेमाची मागणी केली. मात्र, युवतीने स्पष्ट शब्दात नकार दिला. तरीही शिवचरणने युवतीचा पाठलाग करणे सोडले नाही. त्याने अनेकदा युवतीचा रस्त्यावर थांबवून विनयभंग केला. एकेदिवशी त्याने थेट युवतीचे घर गाठून धमकी दिली. यामुळे युवतीने अचलपूर पोलिस ठाणे गाठून शिवचरणविरुद्ध गुन्हा दाखल केला. ही घटना अचलपूर येथील विलायतपुरा परिसरात घडली. 

पोलिसांनी दिलेल्या माहितीनुसार, शिवचरण वखरे परिसरातील 26 वर्षीय युवतीचा नेहमी पाठलाग करीत होता. तो तिला नेहमी रस्त्यावर थांबवून प्रेमाची मागणी घालत होता. मात्र, युवती त्याच्याकडे व त्याच्या बोलण्याकडे लक्ष देत नव्हती. यामुळे शिवचरण चांगलाच चिडला होता. युवतीने आपल्या प्रेमाला नकार दिल्याच्या राग त्याच्या मनात होता. यामुळे तो युवतीला धडा शिकवण्याचा विचार करीत होता.

एकेदिवशी त्याने थेट युवतीचे घर गाठले. तुझ्याकडे दोनच पर्याय शिल्लक असल्याचे त्याने सांगितले. "एक तर माझ्याशी लग्न कर अन्यथा मरायला तयार राहा' अशा शब्दात त्याने युवतीला धमकी दिली. यापूर्वीही शिवचरणने युवतीची अनेकदा छेडखानी करून दडपण आणण्याचा प्रयत्न केला होता. अचलपूर पोलिसांनी युवतीच्या तक्रारीवरून शिवचरणविरुद्ध विनयभंगप्रकरणी गुन्हा दाखल केला आहे. 

दिली 'बाबा'ची धमकी

एकतर्फी प्रेम करणाऱ्या शिवचरणने थेट युवतीचे घर गाठून लग्नासाठी धमकी दिली. तसेच युवतीसह अन्य दोघांचे फोटो एका बाबाकडे पाठविले असल्याची बतावणी केली. बाबा सांगेल तिला माझी गोपी बनवून देईल असेही त्याने युवतीला म्हटले. यामुळे भयभीत झालेल्या युवतीने अचलपूर ठाण्यात दाखल तक्रारीत दाखल केली. याप्रकरणी पोलिसांनी शनिवारी गुन्हा दाखल केला आहे.

छेडखानीचे प्रकार नित्याचेच

एकतर्फी प्रेमप्रकरणातून युवतीची छेडखानी, धमकी देणे, ब्लॅकमेल करण्याचे प्रकार जिल्ह्यात सुरूच आहेत. यात कोणत्याही प्रकारची घट झालेली नाही. यामुळे एकतर्फी प्रेम करणारे तसेच रोडछाप मजनूंची हिंमत चांगलीच वाढली आहे. यामुळे शिवचरणने थेट युवतीचे घर गाठून "लग्न कर, नाही तर मरायला तयार राहा' अशी धमकी दिली. अचलपूर पोलिसांनी याप्रकरणी गुन्हा दाखल आहे. मात्र, अशा मजनूंवर वेळीच नियंत्रण आणणे गरजेचे झाले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: शेअर बाजार लाल रंगात; सेन्सेक्स-निफ्टी मोठ्या घसरणीसह बंद, कोणते शेअर्स वाढले?

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Beed Baby News: मृत घोषित केलेलं बाळ रात्रभर दुर्लक्षित; दुसऱ्या दिवशी बॅगमध्ये टाकून नेलं, कुदळ सापडेना म्हणून झाला उशीर अन्...

तेजश्री प्रधानच्या झी मराठीवर दिसण्यावर स्टार प्रवाहच्या सतीश राजवाडेंची थेट प्रतिक्रिया; म्हणाले, 'ती नायिका आधी...

IND vs ENG 3rd Test: जो रूटचे विक्रमी शतक! भारतासमोर मजबूत भिंतीसारखा राहिलाय उभा; राहुल द्रविड, स्टीव्ह स्मिथचा विक्रम मोडला

SCROLL FOR NEXT