अमरावती ः काही दिवसांपासून चेनस्नॅचिंगच्या वाढत्या घटना पुन्हा संक्रांतीच्या दिवसात वाढू नये, यादृष्टीने पोलिस आयुक्त डॉ. आरती सिंग यांनी बाजारपेठेचा आढावा घेतला. रस्त्यावर उतरून वाहतुकीसंदर्भात काही बदल करण्याच्या सूचना या वेळी त्यांनी केल्या.
पोलिस आयुक्तांसोबत शहर कोतवालीचे पोलिस निरीक्षक शिवाजी बचाटे, वाहतूक शाखेचे पोलिस निरीक्षक प्रवीण काळे, राहुल आठवले उपस्थित होते.
सद्य:स्थितीत संक्रांतीचे दिवसात महिला मोठ्या संख्येने बाजारपेठेत वाणासह इतर वस्तू खरेदीसाठी येतात. अशा वेळी दागिने घालून येणाऱ्या महिलांकडे चोरट्यांची नजर जाऊ शकते. घटना टाळण्यासाठी महिलांनी गर्दीमध्ये फिरताना सावध राहण्याची गरज असल्याचे पोलिस आयुक्तांनी स्पष्ट केले. मार्गात बॅरिकेटिंग करून बाजारपेठेत फिरणाऱ्या संशयितांची पोलिसांनी चौकशी करावी, सोबतच पोलिसांनी नाकाबंदी ही खानापूर्तीसाठी न करता नागरिकांना त्रास होऊ नये, यादृष्टीने प्रयत्न करावे अशा सूचना पोलिस अधिकाऱ्यांना या पाहणी दौऱ्यात केल्या.
सकाळी 11 ते दुपारी एक या कालावधीत पोलिस आयुक्तांनी आकस्मिकपणे रस्त्यावर उतरून सुरक्षेचा आढावा घेतला. नाकाबंदी ड्यूटी पॉइंटवर तैनात अधिकारी, कर्मचारी किती सतर्क आहेत याचा आढावाच त्यांनी घेतला. त्यांच्या समवेत पोलिस उपायुक्त व सहायक आयुक्तही हजर होते. सीपी अचानक रस्त्यावर उतरून पाहणी करतील याची पूर्वकल्पना नसल्यामुळे संबंधित अधिकारी व कर्मचाऱ्यांची चांगलीच तारांबळ उडाली.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.