अमरावती : तालुक्यातील जामडोल येथील एका युवा शेतकऱ्याने दोन दिवसापूर्वी कर्जापाई विष प्राशन करून आत्महत्या करण्याचा प्रयत्न केला होता दरम्यान काल रात्री त्याचा उपचारा दरम्यान अमरावतीच्या खाजगी रुग्णालयात मृत्यू झाला ही घटना आज सोमवार दिनांक 17 ऑक्टोंबर रोजी सकाळी उघडकीस आली.निखिल गोवर्धन तट्टे वय 27असे मृतक शेतकऱ्यांचे नाव आहे.

यावर्षी सततच्या पावसामुळे शेतकऱ्यांना आर्थिक नुकसानीच्या मोठा फटका बसला असून सोगनीला आलेले सोयाबीन सुद्धा पाण्याने खराब झाले आहे, खरीप हंगामातील पीक हातून गेल्याने आता शेतकऱ्यांनी कर्जाची परतफेड करायची कशी हा मोठा प्रश्न उभा झाला आहे, अशाच चिंतेतून अमरावती तालुक्यातील जामडोल येथील निखिल गोवर्धन तट्टे या युवा शेतकऱ्यांने 15 ऑक्टोंबर रोजी शेतात जाऊन विष प्राशन करून आत्महत्या करण्याचा प्रयत्न केला होता. दरम्यान निखिलवर अमरावतीच्या खाजगी रुग्णालयात उपचार सुरु असताना काल रात्री उपचारा दरम्यान त्याचा मृत्यू झाला.

वडिलांच्या नावे बावीस एकर शेती मात्र वडिल अपंग व आजारी राहत असल्याने शेतीची सर्वी कामे निखिलकडे असायची मागील वर्षीच निखिलने शेतीवर कर्जा घेत टॅक्टर घेतला त्यात इतरही कर्जाचे ओझे,यावर्षी चांगले पीक होईल अश्या आशेने निखिलने शेती केली मात्र निसर्गाने होत्याच नव्हतं करून टाकलं, शेतीचे नुकसान पाहता शेती ला लावलेला पैसा,आता कर्जाची परतफेड करायची कशी अश्या विचाराने निखिलने थेट जीवन संपविण्याचा निर्णय घेत शेतात जाऊन विष प्राशन करून आत्महत्या केली.