यवतमाळ : यंदाच्या रब्बी हंगामात जिल्ह्यातील शेतकऱ्यांना 67 कोटी 48 लाख रुपयांचे पीककर्ज वाटपाचे उद्दिष्ट्य देण्यात आलेले आहे. असे असले तरीदेखील आतापर्यंत केवळ 1 हजार 200 शेतकऱ्यांना 15 कोटी 25 लाख रुपयांचे पीक कर्जवाटप करण्यात आले आहे. त्याचा परिणाम म्हणून रब्बीसाठी पीककर्ज वाटप करण्यात राष्ट्रीयीकृत बँकांनी आखडता हात घेतल्याचे चित्र सध्यातरी दिसून येत आहे.

हेही वाचा - महाविकासआघाडीचे पदवीधर आमदार ॲड. अभिजित वंजारी कोरोना पॉझिटिव्ह

या वर्षातील रब्बी हंगामात जिल्ह्यातील शेतकऱ्यांना पीककर्ज वाटपाचा आराखडा जिल्हा अग्रणी बँकेमार्फत तयार करण्यात आलेला आहे. त्यानुसार रब्बी हंगामात जिल्ह्यातील नऊ हजार 255 शेतकऱ्यांना 67 कोटी 48 लाख रुपयांच्या कर्जाचे वाटपाचे उद्दिष्ट्य देण्यात आले आहे. असे असले तरी अजूनही म्हणावी तशी गती पीककर्ज वाटपाला आलेली दिसत नाही. यंदा खरीप हंगामापासून अनेक शेतकरी अडचणीत सापडलेले आहेत. सोयाबीन पीक हातातून गेल्यानंतर कापसावर शेतकऱ्यांची आशा होती. मात्र, बोंडअळीने कापसाचे उत्पादन घटलेले आहे. अशातच शेतकऱ्यांनी रब्बी हंगामाचा आधार होता. मात्र, कर्जवाटप होत नसल्याने शेतकऱ्यांना आर्थिक अडचणींचा सामना करावा लागत आहे. उद्दिष्टांच्या तुलनेत आतापर्यंत एक हजार 164 शेतकऱ्यांना केवळ 15 कोटी 25 लाख रुपयांचे पीककर्जाचे वाटप करण्यात आलेले आहे. त्यामुळे यंदा शेतकऱ्यांना आधार देण्यासाठी रब्बी हंगामामधील पीककर्जाचे वाटप वाढविण्याची मागणी शेतकऱ्यांकडून केली जात आहे.  

हेही वाचा - डोळसांनाही लाजवणारा प्रवास; दृष्टिहीन युवकाची अनोखी सायकल सफर, दोन हजार किमी १२ दिवसांत पूर्ण करणार

बँकनिहाय खरीप पीककर्ज वाटपाचे उद्दिष्ट -

हेही वाचा - हृदयद्रावक! एकुलत्या एक मुलाचा भटक्या कुत्र्याने घेतला...
 

राष्ट्रीयीकृत बँकांवर 'वॉच' -

पीककर्ज वाटपात राष्ट्रीयीकृत बँकांची टक्‍केवारी कमी असते. कर्जवाटपाची टक्‍केवारी वाढावी, यासाठी जिल्हाधिकारी एम. डी. सिंह यांनी नियमित आढावा घेतला. त्यामुळेच यंदा खरीप हंगामात पीककर्ज वाटप हे 72 टक्‍क्‍यांवर गेलेले आहे. त्यानंतर आता रब्बी हंगामात याच पद्धतीने जिल्हाधिकाऱ्यांनी नियोजन करून राष्ट्रीयीकृत बँकांवर वॉच ठेवणे गरजेचे आहे.