यवतमाळ : सप्टेंबरच्या शेवटीशेवटी आणि ऑक्टोबर महिन्याच्या सुरुवातीला आल्या परतीच्या पावसाने सोयाबीन व कापूस या पिकांचे अतोनात नुकसान झाले आहे. त्यामुळे शेतकरी संकटात सापडले असल्याने जिल्ह्यात ओला दुष्काळ जाहीर करण्यात यावा, या प्रमुख मागणीसाठी भारतीय जनता युवा मोर्चा व भारतीय जनता पक्ष यवतमाळ शहर कार्यकारिणीच्या पदाधिकाऱ्यांनी येथील तहसील चौकात काँग्रेसचे नेते तथा राज्याचे ऊर्जामंत्री नितीन राऊत यांना काळे झेंडे दाखविले.
महाराष्ट्र प्रदेश किसान कॉंग्रेसने सर्वत्र गाव तेथे आंदोलन अभियानाला सुरुवात केली आहे. शनिवारी, ३१ ऑक्टोबरला गावागावांत मशाल आंदोलन केले जात आहे. त्याचाच एक भाग म्हणून यवतमाळ येथेदेखील मशाल रॅली आयोजित करण्यात आली आहे. या कार्यक्रमात सहभागी होण्यासाठी येत असताना येथील तहसील चौकात भाजपच्या पदाधिकाऱ्यांनी काळे झेंडे दाखविले.
जिल्ह्यात ओला दुष्काळ जाहीर करण्यात यावा व वीजबिल माफ करण्यात यावे, अशी मागणी करीत कॉंग्रेसच्या नेत्यांना भाजपच्या कार्यकर्त्यांकडून काळे झेंडे दाखविण्यात आलेत. यावेळी सरकारविरोधात घोषणाबाजी करण्यात आली. या आंदोलनात भाजप महिला आघाडीच्या जिल्हाध्यक्षा माया शेरे, भाजयुमो, महिला आघाडी व शहर भाजपचे पदाधिकारी सहभागी झाले होते.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.