तुमसर (जि. भंडारा) : सुकळी येथील कोमल मुन्ना बोंद्रे ही दुसऱ्यांदा गर्भवती होती. तिला येथील उपजिल्हा रुग्णालयात प्रसूतीसाठी दाखल करण्यात आले. 31 ऑगस्टला तिच्यावर शस्त्रक्रिया करून मुलीचा जन्म झाला. दोन दिवसानंतर मात्र, या महिलेची प्रकृती चिंताजनक झाल्याने डॉक्‍टरांना सांगण्यात आले. मात्र, डॉक्‍टरांनी कोणतेही उपचार न करता काही औषध देऊन घरी रवाना केले.
घरी गेल्यावर मातेची प्रकृती अधिक बिघडल्यामुळे नातेवाईकांनी पुन्हा उपजिल्हा रुग्णालयात दाखल केले. तिला उपचारासाठी भंडारा येथील जिल्हा सामान्य रुग्णालयात पाठविण्यात आले. तेथून या मातेला नागपूरला हलविण्यात आले.
तुमसर उपजिल्हा रुग्णालयात प्रसूती शस्त्रक्रिया झाल्यानंतर मातेला असहाय्य वेदना होत होत्या. तिला उपचारासाठी नागपूर येथे रुग्णालयात दाखल केले. तेथे शस्त्रक्रिया केली असता तिच्या पोटात रक्ताचे गोळे आढळून आले. यातील कोमल मुन्ना बोंद्रे (वय 27) या मातेचा मृत्यू झाला. आज, तिच्या नातेवाईकांनी पोलिस ठाण्यात घेराव करून शस्त्रक्रियेत निष्काळजीपणा करणाऱ्या डॉक्‍टरांवर गुन्हा दाखल करण्याची मागणी केली.
नागपूर येथील खासगी रुग्णालयात मातेवर पुन्हा शस्त्रक्रिया करण्यात आली. दरम्यान, डॉक्‍टरांनी तिच्या पोटातून रक्ताचे गोळे आणि घाण पाणी निघाले, अशी माहिती नातेवाईकांना दिली. त्यानंतर एक दिवसातच मातेचे निधन झाले.
याप्रकारणात उपजिल्हा रुग्णालयातील डॉक्‍टरांच्या निष्काळजीपणा केल्याचा आरोप करीत मृताचे नातेवाईक व गावकऱ्यांनी डॉक्‍टरवर गुन्हा दाखल करण्याची मागणीसाठी येथील पोलिस ठाण्यात गर्दी केली. पोलिस निरीक्षक पिपरेवार यांनी त्यांची समजूत काढली. त्यानंतर गावकऱ्यांनी याबाबत चौकशी करण्याची मागणी केली आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.