चंद्रपूर : महानगरपालिका कार्यालयातील अधिकारी व कर्मचारी दर शुक्रवारी सायकलवरून कार्यालयात येणार आहेत. या नवीन उपक्रमाला पुढील शुक्रवारपासून सुरुवात होणार आहे. शुक्रवारी (ता. 10) मनपा कार्यालयात झालेल्या बैठकीत हा निर्णय घेण्यात आल्याची माहिती आयुक्त राजेश मोहिते यांनी दिली.   

हेही वाचा - विद्यार्थ्यांनो, पदव्युत्तर प्रवेशाला मिळणार नाही मुदतवाढ

माझी वसुंधरा अभियान हे ऑक्‍टोबर ते 31 मार्च 2021 या कालावधीत राज्य शासनाने स्थानिक स्वराज्य संस्थाच्या माध्यमातून लागू केले आहे. प्रत्येकाच्या जीवनाशी निगमित, निसर्गाशी संबंधित पृथ्वी, वायू, जल, अग्नी आणि आकाश या पंचतत्वावर आधारित शाश्‍वत निसर्गपूरक जीवनपद्धती अवलंबिण्यासाठी हे अभियान सुरू करण्यात आले आहे. या अभियान कालावधीत पंचतत्वाला व मानवी जीवनाला सहकार्य होण्याच्या हेतूने दर शुक्रवारी प्रत्येक अधिकारी, कर्मचाऱ्यांनी सायकलने (यंत्र विरहित) कार्यालयात यावे, असा निर्णय महानगरपालिकेचे आयुक्त राजेश मोहिते यांनी घेतला आहे.

हेही वाचा - 'हॉट मिक्स प्लॅन्ट'च्या नावाखाली ठेकेदारांचं...

प्रत्येक शुक्रवारला अधिकारी, कर्मचाऱ्यांनी कोणतेही वाहन आणू नये.  आणल्यास त्यांना मनपा आवारात प्रवेश दिल्या जाणार नाही. ही बाब वैयक्तिक आरोग्य, पर्यावरणाच्या दृष्टीने आवश्‍यक आहे. प्रत्येकाने या अभियान सक्रिय सहभाग घेण्याचे व आपल्या अधिनस्त अधिकारी, कर्मचाऱ्यांसह आपल्या सभोवतालच्या संबंधित किमान पाच लोकांना महत्त्व पटवून या अभियानाची व्याप्ती पाठविण्यास सहकार्य करण्याचे धोरण निश्‍चित करण्यात आले आहे.