नंदोरी (जि. वर्धा) : गत वर्षी मार्च महिन्यापासून देशासह राज्यात लॉकडाउन घोषित झाल्याने मार्चनंतरच्या सप्तपदी वरात ना ब्यांडबाजा, ना मंगलकार्य मोजक्‍या दहा पाच लोकांच्या उपस्थितीत पार पडल्या. यंदा विवाह मुहूर्त महिभरावर आले असले तरी अद्यापही राज्यात कोरोनाचे थैमान कायम असल्याने यंदा असलेले 50 विवाह मुहूर्त ही चक्रव्यूहात असल्याचे चित्र आहे.

राज्यात मार्च महिन्यांपासून लॉकडाउन घोषित झाल्याने गत वर्षी मार्च नंतरच्या विवाहावर पुरते विरजण पडले होते. मोजक्‍या लोकांच्या उपस्थितीत काहीचे विवाह वेळत मुहूर्तावर तर काहींचे जिल्हाबंदीमुळे लांबणीवर पडून उशिराने थातुरमातूर पद्धतीने उरकण्यात आलीत. 

हेही वाचा - श्वास घेण्यास त्रास होतोय? घाबरू नका पुढील उपाय करा आणि घ्या मोकळा श्वास  

यंदा तुळशी विवाह 26 नोव्हेंबरला असून 30 नोव्हेंबरपासून पुढे विवाह मुहूर्त आहेत. एकूण 50 विवाहाचे मुहूर्त असून सर्वाधिक विवाह मुहूर्त मे महिन्यात (14) आहेत. यंदा गुरू शुक्र असल्यामुळे पौष, माघ व फाल्गुन महिन्यात विवाह मुहूर्त नसल्याचे हिंगणघाट येथील पंचागाचे अभ्यासक शांताराम हिवरकर यांनी सकाळ शी बोलताना सांगितले.

तुळशी विवाह महिनाभरावर असल्याने विवाहोत्सूक वर वधुची शोधमोहीम कोरोना संसर्गाच्या पार्श्‍वभूमीवर सध्या तरी थंड बस्त्यातच आहे. यापूर्वी धावपळीत वर वधूची जुळलेली विवाह तुळशी विवाहानंतर होणार असली तरी मोजक्‍या लोकांच्या उपस्थितीतच सध्या तरी होणार आहे. मंगलकार्यालये मोजक्‍या लोकांच्या उपस्थितीतच विवाह उरकवावा लागणार आहे. परिणामी यंदाचीही सप्तपदी कोरोनाचे चक्रव्यूहात अडकणार आहे. विवाह मुहूर्त 30 नोव्हेंबरला प्रारंभ होत आहे. यंदाला 50 विवाह मुहूर्त असून सर्वाधिक विवाह मुहूर्त मे महिन्यात आहेत.

ठळक - छे छेऽऽ पेपर तर ‘नीट’ दिला; सहाशे गुणांची अपेक्षा असताता शून्य गुण कसे मिळणार, विद्यर्थिनी गेली हायकोर्टात

असे आहेत यंदाचे विवाह मुहूर्त

महिना, विवाह मुहूर्त, दिनांक
नोव्हेंबर 1 (30)
डिसेंबर 20 8(7,8,9,17,19,23,24,27)
जानेवारी 21 7(3,5,6,7,8,9,10)
फेब्रुवारी 21 2(15,16)
मार्च21 00 विवाह मुहूर्त नाही
एप्रिल 21 7(22,24,25,26,28,29,30)
मे 21 14(1,2,3,4,8,13,20,21,22,24,26,28,30,31)
जून21 8(4,6,16,19,20,26,27,28)
जुलै 21 3(1,3,13)

संपादन - अथर्व महांकाळ