गोंडपिपरी (जि. चंद्रपूर) : राजकारणात कधी काय होईल हे सांगता येत नाही. कोणाचा गेम होईल अनं कोण बाजी मारणार हे शेवटपर्यत स्पष्ट होत नाही. गोंडपिपरी तालुक्यातील विहीरगाव ग्रामपंचपयातीत आज अशाच एका रंजक निकालाच्या घटनेची अनुभुती बघायला मिळाली.
दोन महिला उमेदवारांना समान मत आले. एक मत नोटावर गेले. मग काय एका बालकाच्या हाताने ईश्वरचिठठी काढण्यात आली आणि यामाध्यमातून निकाल देण्यात आला. याप्रकाराची संपुर्ण मतमोजणीच्या वेळेस रंजक चर्चा होती.
गोंडपिपरी तालुक्यातील विहीरगंावं ग्रामपंचायत येथील वार्ड क्र.3 मधील उमेदवारी अनु.जमाती महिलाकरिता आरक्षित होती. कल्पना मडावी व आशा मडावी या आमनेसामने होत्या. या वार्डाची निवडणुक अतिशय अटीतटीची झाली. पंधरा तारखेला निवडणुक पार पडले आणि या वार्डात एकूण 117 मतदारांनी मतदानाचा हक्क बजावला.
आज सकाळी सकाळी दुसÚया फेरीत विहीरगावच्या मतमोजणीला सुरवात झाली आणि कल्पना मडावी अनं आशा मडावी या दोन्ही उमेदवारांना प्रत्येकी 58 मत मिळाले. एक मत नोटावर होत. दोंघानाही समान मत मिळाल्याने तहसिलदार तथा निवडणुक निर्णय अधिकारी के.डी.मेश्राम यांनी चिठठीने निकाल देण्याचा निर्णय दिला. यावेळी एका बालकाच्या हस्ते चिठठी काढण्यात आली. यात आशा मडावी या भाग्यवान ठरल्या.
दरम्यान आशा मडावी अशा अनपेक्षित पध्दतीने निवडून आल्याने आता पराभूत पॅनलच्या आशा प्रचंड पल्लवीत झाल्या आहेत. त्याच्या विजयाने संरपंचपदासाठी आतापासूनच पराभूत पॅनलने सेटींगसाठी सुरवात केली आहे. आज मतमोजणी केंद्रावर घडलेल्या या प्रकाराची संपुर्ण तालुक्यात चर्चा सुरू आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.