वर्धा : शेतकऱ्यांवर सुरू असलेली संकटांची मालिका काही त्याची पाठ सोडत नसल्याचे दिसून आले आहे. यंदाचा खरीप हंगाम हातून गेल्याचे चित्र आहे. त्यातच आता सोयाबीन पाठोपाठ तुरीवरही शेंगा पोखरणारी अळी आल्याने उत्पादन जाण्याची वेळ आली आहे. तुरीला बाजारात उत्तम भाव मिळण्याची अपेक्षा असताना शेतकऱ्यांवर संकटाचे सावट कायम आहे. 

हेही वाचा - अमरावतीतील मृत्यूप्रकरणाला वेगळे वळण; संशयाच्या आधारे बाळाच्या आईला अटक

यंदाच्या हंगामात सोयाबीनवर आलेल्या खोडकिडीमुळे उत्पादनात कमालीची घट झाली. यातही त्यांच्याकडे सोयाबीन होते त्यांना उत्पादनाची आशा होती. पण अवेळी आलेल्या पावसामुळे त्यांचे ते स्वप्नही धुळीस मिळाले. ज्या शेतकऱ्यांना एकरी सहा ते सात पोते सोयाबीन व्हायचे त्या शेतकऱ्यांना एकरी 50 ते 60 क्‍विंटल सोयाबीन झाले. यामुळे शेतकऱ्यांच्या आशा धुळीस मिळाल्या. वर्ध्यात खोडकिडीमुळे सोयाबीन उत्पादकांना तब्बल 80 कोटी रुपयांचा फटका बसला आहे. 

हेही वाचा - गावांत वाढली भांडणे; तंटामुक्त समित्या कागदावरच! 

हीच अवस्था कपाशीची आहे. कपाशीचे उत्पादन होईल, असे वाटत असताना यावर अचानक बोंडअळीने हल्ला चढविला. यामुळे कपाशीच्या उत्पादनात घट होणे निश्‍चित झाले आहे. यातही आलेल्या परतीच्या पावसामुळे अनेक शेतकऱ्यांचा कापूस शेतात ओला झाला. त्या कापसाला भाव मिळाला नाही. यामुळे यंदाचा हंगाम शेतकऱ्यांसाठी तोट्याचाच अधिक ठरल्याचे दिसून आले आहे. यामुळे यंदा शेतकऱ्यांच्या नजरा शासनाच्या मदतीकडे लागल्या आहेत. 

हेही वाचा - आला रे आला बिबट्या आला; तीन दिवसांपासून कार्ला शिवारात शेतमजुरांत भीतीचे वातावरण

आता आशा रब्बीवरच - 
खरीप हंगाम हातचा गेल्याने शेतकऱ्यांची आशा आता रब्बीवर आली आहे. खरीप हंगामात झालेले नुकसान भरून काढण्यासाठी ओलिताची सोय असलेल्या शेतकऱ्यांची आशा रब्बीवरच आहे. असे असले तरी कोरडवाहू शेतकऱ्यांची मात्र पंचाईत झाली असून त्यांना शासनाने मदत करण्याची गरज निर्माण झाली आहे.