यवतमाळ : यवतमाळ विधानसभा मतदारसंघातून भारतीय जनता पक्षाचे उमेदवार व जिल्ह्याचे पालकमंत्री मदन येरावर विजयी झाले. त्यांच्या विजयाचा जल्लोष करण्यासाठी भारतीय जनता पक्षाच्या वतीने शुक्रवारी (ता.25) शहरातील प्रमुख मार्गावरून मिरवणूक काढण्यात आली.
सजवलेल्या विजयी रथावर विजयी उमेदवार मदन येरावर व शिवसेनेचे जिल्हाप्रमुख राजेंद्र गायकवाड व पराग पिंगळे आदींची उपस्थिती होती. विजयी रथाच्या मागे पक्षाचे कार्यकर्ते व पदाधिकारी मोठ्या संख्येत मिरवणुकीत सहभागी झाले होते. यावेळी भाजपचे बोधचिन्ह असलेले कमळाचे फ्लेक्स व ध्वज कार्यकर्त्यांनी हाती धरले होते. फटाक्यांच्या आतषबाजीत व ढोलताशांच्या निनादात दुपारी शहरातील प्रमुख मार्गावरून ही मिरवणूक निघाली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.