हिंगणघाट (जि.वर्धा) : : राज्य शासनाने ओबीसीसाठी महात्मा ज्योतिबा फुले संशोधन व प्रशिक्षण संस्था (महाज्योती) या स्वायत्त संस्थेची निर्मिती केली आहे. या संस्थेचे मुख्य कार्यालय नागपूर येथे ऑगस्ट 2020 मध्ये सुरू झाले आहे. सर्वप्रथम ओबीसी, एनटी, एसबीसी विद्यार्थ्यांसाठी फार मोठा व महत्त्वाकांक्षी कार्यक्रमाच्या माध्यमातून घेतलेला आहे.

हेही वाचा -दानवे भैताड माणूस, वडेट्टीवारांची जीभ घसरली 

ओबीसी या प्रवर्गातील विद्यार्थी विद्यार्थिनी या बारावीनंतर इंजिनिअर मेडीकल आयआयटी अशा व इतर महत्त्वाच्या शासकीय अभ्यासक्रमाच्या प्रवेशासाठी स्पर्धा परीक्षा जेईई, एमएच-सीईटी- नीट अशा देत असतात. पण त्यासाठी विशेष स्पर्धा परीक्षेचे महागडे कोचिंग क्‍लास लावण्याची आर्थिक कुवत ही ओबीसी, भटके व विमुक्त जाती, बारा बलुतेदार आणि ग्रामीण भागातील विद्यार्थ्यांमध्ये नसते. त्यामुळे हे विद्यार्थी या महत्त्वाच्या स्पर्धा परीक्षेत टिकाव धरू शकत नाही.

ही बाब लक्षात घेऊन, महाज्योतीने, 2022 मध्ये होणाऱ्या या स्पर्धा परीक्षेसाठी, ओबीसींच्या 10 हजार विद्यार्थ्यांना मोफत प्रशिक्षण देण्याचा व त्यांची या स्पर्धा परीक्षेसाठी तयारी करून घेण्याचा कार्यक्रम आखण्यात आलेला आहे. अकरावी विज्ञान शाखेत शिकणाऱ्या ओबीसी विद्यार्थ्यांना महाज्योतीच्या संकेतस्थळावर नोंदणी करण्याचे आवाहन केले आहे, असे या महाज्योतीवर शासनाने नियुक्त केलेले संचालक प्रा. दिवाकर गमे यांनी सांगितले आहे.\

क्लिक करा - दानवेंची जीभ कापणार्‍यास दहा लाख आणि बारा लाखांचे वाहन; शिवसेना संपर्क प्रमुखांची खळबळजनक घोषणा

आठ लाखांच्या उत्पन्नाची अट

ओबीसी व्हीजेएनटी, एसबीसी या प्रवर्गातील विद्यार्थ्यांना महाज्योतीच्या, संकेतस्थळावर जाऊन यासाठी 25 डिसेंबर 2020 पर्यंत नोंदणी करावयाची आहे. यासाठी या वर्षी अकरावी विज्ञान प्रवेश घेतलेले जे विद्यार्थी आहेत. ते शहरी भागातील शाळांमधून दहावीला 70 टक्‍के व ग्रामीण, आदिवासी व नक्षलग्रस्त भागातून दहावी पास करणारे 60 टक्‍क्‍यांवर गुण आवश्‍यक आहे. याकरिता उत्पन्न मर्यादा ही नॉन क्रिमीलेअर प्रमाणे वार्षिक 8 लाख रुपये ठेवण्यात आली आहे.

संपादन - अथर्व महांकाळ