तिवसा (जि. अमरावती) : तिवसा तालुक्यातील कौडण्यपूर नदीच्या अस्ती घाटवर आज एका अनोळखी महिलेचा मृतदेह आढळून आल्याची घटना उघडकीस आली आहे घटनेचा पंचनामा करून कुऱ्हा पोलिसांनी  महिलेच्या शोधप्रत्रिका प्रसिद्ध करत ओळख पटल्यास कुऱ्हा पोलिस स्टेशनंशी संपर्क करण्याचे आव्हान केले आहे.

जाणून घ्या - अनेक दिवसांपासून बंद असलेल्या घराचं शेजाऱ्यांनी उघडलं दार; पलंगाजवळील दृश्य बघून भल्याभल्यांचा उडाला थरकाप 

पोलिसांनी दिलेल्या माहितीनुसार बाबुराव ठाकरे पोलिस पाटील यांच्या प्राप्त तक्रारीनुसार  दिनांक 12जानेवारी रोजी  सकाळी 8:30 वाजता दरम्यान कौडण्यपूर बसस्टॉपवर च्या पानटपरीवर चर्चा करत असताना दोन व्यक्तीनी माहिती दिली की कौडण्यपूरच्या नदी पात्रातील अस्ती विसर्जन घाट स्थळी एका महिलेचा मृतदेह पाण्यावर तरंगत असल्याचे दिसून आले.

याची माहिती कुऱ्हा पोलिस स्टेशनला देण्यात आली तेव्हा पोलिसांनी घटनास्थळी धाव घेत मृतदेह बाहेर काढून घटनेचा पंचनामा करण्यात आला असून पुढील तपास पोलीस करीत आहे मृतक महिलेचा वर्णन याप्रमाणे वय 40 ते 45 दरम्यान असून बांधा मध्यम, रंग सावळा, उंची पाच फूट दोन इंच,चेहरा गोल,कपाळावर लाल रंगाची टिकली, आहे. 

अधिक माहितीसाठी - हृदयद्रावक! उडलीच नाही त्या तरुणाच्या स्वप्नांची पतंग; दुचाकीवरून जाताना घडली मन सुन्न करणारी घटना 

केस काळे पांढरे,नाकात पिवळ्या धातूची बेसर,गळ्यात काळे मणी पिवळ्या धातूची पेडॉल असलेली पोत, डाव्या हातांच्या बोटात चंदेरी धातूची अंगठी,पायात चंदेरी धातूच्या तोरड्या,असं  वर्णन असलेल्या अनोळखी महिलेचा मृतदेह आढळून आला असून या महिलेची ओळख पटल्यास कुऱ्हा पोलीस स्टेशनंशी संपर्क करावा असं आवाहन करण्यात आलं आहे. 

संपादन - अथर्व महांकाळ