Aaradhana tathe give Mother's love to pregnant woman 
नागपूर

आधुनिक काळात बाळंतीणींची आई झाली आराधना ताठे; घरगुती व्यवसायातून ठरल्या ‘स्वयंसिद्धा’

मंगेश गोमासे

नागपूर : आधुनिक काळात बाळंतपणातही आवश्यक असलेले खाद्यपदार्थ आणि ‘बेबी फूड’सुद्धा घरी तयार करण्याची सवय आजच्या महिलांना राहिली नाही. अशा महिलांची गरज ओळखून पोषण आहाराचा पुरवठा व्हावा यासाठी सहाव्या महिन्यापासून आवश्यक असलेले दर्जेदार ‘बेबी फूड’ तयार करून आराधना ताठे बाळंतीणींना माहेरची माया देण्याचे काम करीत आहेत.

एमएस.स्सी बायोटेक, बीएड, नॅचरोपॅथी अभ्यासक्रम पूर्ण करून आराधना ताठे यांनी शिक्षिका म्हणून शाळेत काम केले. यानंतर पतीची पुण्याहून नागपूरला बदली झाल्याने नारायणा शाळेत त्यांनी शिक्षिका म्हणून नोकरी पत्करली. यादरम्यान त्यांनी व्यवसायाची सुरुवात केली होती. मात्र, तीन वर्षांपूर्वी त्यांनी नोकरी सोडून पूर्णवेळ व्यवसायास देण्याचे ठरविले.

मुळात ‘न्युट्रीशिअस फूड’ तयार करण्याची आवड असल्याने त्या विषयाची पदवी न मिळविता बाळंतीणींना त्या काळात आवश्यक असलेले डिंक लाडू, खसखशीचे खिर मिक्स, आळीव खीर मिक्स या सारखे पदार्थ आणि ‘बेबी फूड’ तयार करून देतात. मुळात आईचे दूध बाळासाठी सर्वांत चांगले अन्न असते. मात्र, त्याबाबत देशात जागरूकता नसल्याने मुलांना ते मिळत नाही.

जुन्या काळात मुलगी बाळंतीण असली की, माहेरातून डिंकाचे लाडू आणि मेव्याचे लाडू पाठविण्यात येत असत. मात्र, आजकाल या महिलांचा कल जंक फूड खाण्याकडे असतो. त्या महिलांना अशा परिस्थितीत न्युट्रीशिअस फूड देणे गरजेचे असते. त्यामुळे अशा महिलांसाठी आराधना यांनी घरगुती उद्योगातून असे पदार्थ तयार करण्यास सुरुवात केली. आज त्यांचे पदार्थ केवळ नागपुरात नाही तर देश-विदेशात विकले जातात. माहेरातील माणसे आठवणीने त्याच्याकडील पदार्थ खरेदी करीत मुलींना पाठवितात, हे विशेष...

निःशुल्क मार्गदर्शन

केवळ आरोग्यदायी पदार्थ तयार करून विकणे हाच आराधना यांचा हेतू नाही. विविध पदार्थांची त्या रेसिपीही सांगतात. दर महिन्याचा चौथ्या रविवारी डॉ. चैतन्य शेंबेकर यांच्या ओमेगा हॉस्पिटल येथे आहार आणि स्तनपानाचे महत्त्व या विषयावर निःशुल्क मार्गदर्शनही करतात. इतकेच नव्हे तर नेल्सन हॉस्पिटलमध्ये त्या नझल फिडिंगसाठी ट्यूब फिड सुद्दा देतात.

संपादन - नीलेश डाखोरे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Warren Buffett: वॉरेन बफेंसारखी गुंतवणूक करायला शिका; कमवाल करोडो रुपये, काय आहे त्यांची स्ट्रॅटेजी?

HBD MS Dhoni: एमएस धोनीच्या नावावर असलेले असे ५ रेकॉर्ड जे मोडणं कोणालाही आहे महाकठीण

Chandrakant Patil: पुणे पोलिस दलात लवकरच एक हजार जणांना घेणार; चंद्रकांत पाटील यांची माहिती

11th Class Admission: अकरावीच्या प्रवेशासाठी आज अखेरची संधी; ३२ हजार विद्यार्थ्यांनी निश्चित केला प्रवेश

Solapur News: 'मुख्यमंत्र्यांसमवेत कल्याणशेट्टी अन्‌ मानेंची चर्चा'; माजी खासदार थांबले काही अंतरावर, नेमकं काय घडलं..

SCROLL FOR NEXT