नागपूर : डोक्‍यावरील कर्जाचा बोझा कमी करण्यासाठी मुख्यमंत्री उद्धव ठाकरे यांनी शेतकऱ्यांसाठी कर्जमाफीची योजना आणली. दोन लाखांपर्यंतच्या थकबाकीदार शेतकऱ्यांना याचा लाभ मिळणार आहे. परंतु, सरकारकडून पुढील प्रकार होत असल्याचे पुढे आले आहे. 

माजी मुख्यमंत्री देवेंद्र फडणवीस यांनी शेतकऱ्यांना कर्जमाफी दिली होती. शेतकऱ्यांना रांगेत लावण्यात आल्याने ही योजना फसवी असल्याचा आरोप विरोधकांनी केला होता. दरम्यान, शिवसेना, राष्ट्रवादी व कॉंग्रेसच्या महाआघाडीची सत्ता आली. मुख्यमंत्री उद्धव ठाकरे यांनी कर्जमाफीची योजना आणली. दोन लाखांपर्यंतच्या थकबाकीदार शेतकऱ्यांना याचा लाभ मिळणार आहे. यासाठी कर्जदारांची नावे बॅंकेकडून घेऊन पात्र शेतकऱ्यांची यादी काही ठिकाणी प्रसिद्ध करण्यात आली.

सविस्तर वाचा - म्हशीचे दूध उत्तम की गायीचे.. जाणून घ्या  कधी न सुटलेल्या कोड्याचे उत्तर..

आधार प्रामाणिक झाल्यानंतर शेतकऱ्यांच्या खात्यात रक्‍कम वळती करण्यात येते. परंतु, काही शेतकऱ्यांच्या खात्यात पूर्ण रक्कम जमा करण्यात आली नसल्याचे प्रकरण समोर आले आहे. कर्जापेक्षा कमी रक्कम आल्याने शेतकऱ्याने जिल्हाधिकारी यांच्याकडे तक्रार केली आहे. अश्‍विनी मो. घाडगे असे शेतकऱ्याचे नाव आहे. कळमेश्‍वर तालुक्‍यातील मौजा उबगी येथे शेती आहे. 

त्यांनी बॅंक ऑफ इंडिया, कळमेश्‍वर शाखेतून जून 2016 ला 50 हजारांचे कर्ज घेतले होते. 30 सप्टेंबर 2019 रोजी त्यांची थकित रक्‍कम 67 हजार 711 रुपये होती. तशी माहितीही सरकारला देण्यात आली. आधार प्रामाणिकरण झाल्यावर प्रत्यक्षात 57 हजार रुपयेच खात्यात जमा झाले. थकित कर्जाच्या रकमेच्या पेक्षा जवळपास 10 हजार रुपये कमी जमा झाले. सरकारकडून पैसा कमी देण्यात आल्याने आश्‍चर्य व्यक्त करण्यात येत आहे.

हेही वाचा - जे झटले दुसऱ्यांच्या संसारासाठी त्यांचेच हात आज रिकामे..वाचा मन हेलावून टाकणारी बातमी....

जिल्हाधिकाऱ्यांकडे केली न्यायेची मागणी

माफीची अंमलबजावणी होण्यास विलंब होत असल्याने निश्‍चित मुदतीनंतर व्याजाची रक्कम न आकारण्याच्या सूचना सराकरने बॅंकांना केल्यात. परंतु, बॅंकांकडून व्याजाची आकारणी होत आहे. माफीच्या रकमेनंतर संबंधित शेतकऱ्यावर 15 हजार रुपये थकबाकी दाखविण्यात येत आहे. जी की 10 हजार रुपये पाहिजे होती. शेतकऱ्यांनी आता जिल्हाधिकाऱ्यांकडे याबाबतची तक्रार करून न्याय देण्याची मागणी केली आहे.