नागपूर : माजी गृहमंत्री अनिल देशमुख यांच्या काटोल आणि वडविहिरा येथील निवासस्थानी रविवारी ईडीने पुन्हा एकदा छापा टाकला. नागपूर जिल्ह्यातील काटोल आणि नरखेड तालुक्यातील वडविहिरा येथे अनिल देशमुख यांचे वडिलोपार्जित घर आहे. येथे ईडीच्या अधिकाऱ्यांची सर्च मोहीम सुरू केली. यामुळे त्यांचे समर्थक कार्यकर्ते चांगलेच चिडले. समर्थकांनी नारेबाजी करीत ‘अनिल बाबू आगे बढो हम तुम्हारे साथ है’ अशी घोषणाबाजी केली. (Anil-Deshmukh-ED-action-Ed-in-Nagpur-nad86)
रविवारी सकाळी सात ते दुपारी एक वाजेपर्यंत ईडीने देशमुख यांच्या घराची झाडाझडती घेतली. वडविहिरा येथे कारवाई केल्यानंतर त्याच्या शेतातील दिवाणजी पंकज देशमुखला सोबत घेऊन १०.३० वाजता ईडीचे अधिकारी काटोल येथील निवासस्थानी पोहोचले आणि कारवाई सुरू केली. सकाळी सात वाजतापासून ईडीची कारवाई सुरू होती.
ईडी अनिल देशमुख यांच्या घरी कारवाई करीत असल्याचे समजताच काटोल व ग्रामीण भागाचे शेकडो महिला, पुरुष व कार्यकर्ते अनिल देशमुख यांच्या निवासस्थानासमोर एकत्र झाले. समर्थकांनी काळी फीत लावून अनिल देशमुख यांच्या समर्थनात ईडी व केंद्र सरकारच्या विरोधात जोरदार घोषणाबाजी केली. पावसातही समर्थक ‘अनिल बाबू आगे बढो हम तुम्हारे साथ हैं’, ईडीच्या कारवाईचा निषेध असो, परमवीरसिंह को गिरफ्तार करो, अशी घोषणाबाजी करीत होते.
अनिल देशमुख यांच्या घरासमोर समर्थक मोठ्या प्रमाणात जमा झाल्याने पोलिसांचा बंदोबस्त वाढवण्यात आला होता. ईडीच्या तपासात समर्थक आड येऊ नये म्हणून काटोल उपविभागीय अधिकारी नागेश जाधव, वरिष्ठ पोलिस निरीक्षक महादेवराव आचरेकर यांच्या मार्गदर्शनात कडक बंदोबस्त लावण्यात आला होता. वडविहिरा येथून देशमुख यांचे दिवाणजी पंकज देशमुख यांना काटोल येथे आणून विचारपूस केल्यानंतर सोडले. वडविहिरा येथील शेतीचे काम बघणारे पंकज देशमुख यांची पंचनाम्यावर स्वाक्षरी घेतल्यानंतर सोडले. दुपारी १ वाजेपर्यंत ईडीची कारवाई चालली. यानंतर ईडीचे अधिकारी नागपूरला रवाना झाले.
देशमुखांच्या मागे ईडीचा पिडा
अनिल देशमुख यांच्या अडचणी काही केल्या कमी होत नाही आहे. मुंबईचे माजी पोलिस आयुक्त परमबीरसिंह यांनी केलेल्या आरोपानंतर त्यांच्या मागे ईडी हात धुऊन लागली आहे. ईडीने देशमुख यांची अंदाजे चार कोटींची मालमत्ता जप्त केली आहे. त्यानंतर रविवारी नागपूर जिल्ह्यातील घरांवर कारवाई केली. यापूर्वी नागपुरातील घरावर ईडीने कारवाई केली होती. तसेच मुंबईतही कारवाई करण्यात आली आहे.
(Anil-Deshmukh-ED-action-Ed-in-Nagpur-nad86)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.