Tabligi 
नागपूर

गडचिरोली येथील मशिदीमध्ये वास्तव्यास होते तबलिगी, न्यायालयाने दिला जामीन

सकाळ वृत्तसेवा

नागपूर : कझाकिस्तान आणि किर्गिस्तानमधील 9 परदेशी नागरिकांना मुंबई उच्च न्यायालयाच्या नागपूर खंडपीठाने जामीन मंजूर केला. व्हिसाच्या नियमांचे आणि कोरोना आजाराच्या पार्श्‍वभूमीवर दिलेल्या अधिसूचनांचे उल्लंघन केल्याप्रकरणी गडचिरोली पोलिसांनी त्यांना 5 एप्रिल रोजी सर्वांना अटक केली होती. जामिनासाठी त्यांनी नागपूर खंडपीठामध्ये धाव घेत अर्ज दाखल केला होता. 

अर्जानुसार, किर्गिस्तान येथील बॅटिरोव शुख्रटबेक (27), उसमाब्नोव उसलबाई (42), सुवानकुलोव्ह मकसॅटबॅक (30), सादिकोव्ह इसरोइल (58) आणि कझाकिस्तान येथील तोगाईबायेव नूरबोलत वय (29), आशिर्बायव रुसलान वय (29), ओमरोव एपकाहट (34), येरालिब्नोव्ह झांबोटा (34), मुखमवबेथस्नोव्ह आयदार (37) आदी पर्यटक व्हिसावर देशामध्ये आले. दिल्ली येथील तबलिग समाजाच्या वार्षिक कार्यक्रम आटोपल्यानंतर त्यांनी 11 मार्च रोजी गडचिरोली गाठले. 

या काळात ते गडचिरोली येथील मशिदीमध्ये वास्तव्यास होते. दरम्यान, मशिदीमध्ये येणाऱ्या अनेकांशी ते संपर्कात आल्याचा आणि व्हिसाच्या नियमांचे उल्लंघन केल्याचा ठपका ठेवत 9 जणांना गडचिरोली पोलिसांनी अटक केली होती.

मात्र, गडचिरोलीमध्ये प्रवेश करताच सर्वांनी त्याची कल्पना लिखित स्वरुपामध्ये पोलिस आयुक्तांना दिली होती. तसेच, गडचिरोली पर्यटनाचे ठिकाणसुद्धा आहे. त्यामुळे, नियमांचे उल्लंघन होत नाही. त्यानुसार, जामीन देण्याची विनंती त्यांनी याचिकेतून केली होती. सर्व बाजू लक्षात घेता उच्च न्यायालयाने या 9 परदेशी नागरिकांचा जामीन मंजूर केला.

संध्या वास्तव्यास असणाऱ्या चंद्रपूर येथील मशीदीमध्ये राहण्याचा आणि दर सोमवारी चंद्रपूर येथील पोलिस ठाण्याला हजेरी लावण्याचे आदेश दिले. तसेच, या नागरिकांचे पासपोर्ट तपासण्याचे आदेशामध्ये नमूद केले. अर्जदारांतर्फे ऍड. फिरदोस मिर्झा आणि ऍड. मीर नगमान अली यांनी, राज्य शासनातर्फे ऍड. अमित माडीवाले यांनी बाजू मांडली. या प्रकरणी न्यायमूर्ती मनीष पितळे यांच्यासमक्ष सुनावणी झाली. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

ENG vs IND, 3rd Test: रिषभ पंत आर्चरचा लॉर्ड्सवर सामना करण्याबद्दल म्हणाला, 'तो परत येण्याचा मला...'

Video: मी इथेच आहे, तुझ्यासोबत! पत्नी आयसीयूमध्ये, पतीने हात धरला अन्...; वृद्ध जोडप्याचा व्हिडिओ पाहून डोळे पाणावतील

Viral Video: कसाबसा जीव वाचला! रस्त्याची पाहाणी करायला आलेल्या अभियंत्यासमोरच कोसळला ट्रक, जीव वाचवण्यासाठी लोकांची पळापळ

World Heritage status: शिवरायांच्या किल्ल्यांना 'युनेस्को'चा दर्जा मिळण्यास का लागतोय वेळ? गडांच्या व्यवस्थापनावर समितीने ठेवलं बोट

Mumbai News: जैन मंदिरावरील कारवाई योग्यच, उच्च न्यायालयाने ट्रस्टचे अपील फेटाळले

SCROLL FOR NEXT