नागपूर : सफाई कर्मचाऱ्यांच्या तोकड्या संख्येमुळे शहर स्वच्छतेसाठी महापालिका कमी पडत आहे. त्यातही तेराशेवर सफाई कर्मचारी महापालिकेच्या विविध विभागासह सभापती आदींच्या कक्षात पाठविण्यात आले आहे. काही नगरसेवक, पदाधिकारी मर्जीतील सफाई कर्मचाऱ्यांची पसंतीच्या विभागात नियुक्ती करण्यासाठी उच्चपदस्थ अधिकाऱ्यांवर दडपण आणत असल्याची चर्चा महापालिका वर्तुळात रंगली. त्यामुळे सफाई कर्मचाऱ्यांची वानवा असून शहर स्वच्छतेलाच ग्रहण लागले आहे.

महापालिकेत लाड-पागे समितीच्या शिफारशी अंतर्गत सफाई कर्मचाऱ्यांच्या वारसांना त्याच जागेवर नोकरी लागली आहे. यात अनेक नव्या पिढीतील अनेक सफाई कर्मचारी पदवीधर, एमबीए आहेत. नोकरी मिळत नसल्याने ते सफाईची कामेही करीत आहेत. परंतु यातील काही कर्मचारी सफाईच्या कामे करण्यास उत्सुक नाहीत. त्यामुळे अनेकजण नगरसेवक किंवा महापालिकेतील पदाधिकाऱ्यांची मर्जी संपादन करून विविध विभागात पोहोचल्याचे सुत्राने नमुद केले.

कोरोना काळातही शासकीय कार्यालयात माणसांची जत्रा, यांना अटकाव घालणार कोण?

काही नगरसेवक व पदाधिकाऱ्यांकडूनच उच्चपदस्थ अधिकाऱ्यांवर सफाई कर्मचाऱ्यांना ‘दुसऱ्या` विभागात ‘ॲडजेस्ट' करण्यासाठी दबाव निर्माण केला जात असल्याची यानिमित्त चर्चा रंगली आहे. एकप्रकारे सफाई कर्मचाऱ्यांचा तुटवडा निर्माण केला जात असल्याचे चित्र आहे. याच शहर स्वच्छतेवर परिणाम होत आहे. 

महापालिकेच्या दहाही झोनमध्ये एकूण ७ हजार ७६४ सफाई कर्मचारी आहेत. यातील १ हजार ३२८ सफाई कर्मचारी विविध विभाग, सभापतींचे कक्षांमध्ये चपराशी किंवा इतर कामांसाठी नियुक्त करण्यात आले आहे. याशिवाय नव्या सांडपाणी व्यवस्थापन विभागाकडे ४४३ सफाई कर्मचारी देण्यात आले असून सिवेज लाईनची कामे ते बघतात. दररोज चारशे ते साडेचारशे कर्मचारी गैरहजर किंवा रजेवर असते. त्यामुळे ५ हजार ५४३ या तोकड्या सफाई कर्मचाऱ्यांच्या बळावर शहराच्या २२२ वर्ग किलोमीटर परिसर स्वच्छतेची जबाबदारी आहे. 

अनेक नगरसेवक सफाई कर्मचारी नसल्याने प्रभागातील स्वच्छतेसाठी ओरडत आहेत. विशेष म्हणजे बाल्या बोरकर यांच्यासारख्या ज्येष्ठ नगरसेवकालाही सफाई कर्मचाऱ्यांसाठी मागणी करावी लागत असल्याने पहिल्यांदाच निवडून आलेल्या नगरसेवकांच्या प्रभागातील स्थितीचा अंदाज येते. एकीकडे काही नगरसेवक स्वच्छतेसाठी ओरड करीत आहे तर ज्यांच्या प्रभागात पुरेसे सफाई कर्मचारी आहेत, ते ज्येष्ठ नगरसेवक किंवा पदाधिकारी स्वच्छतेबाबत गंभीर नसल्याचेच दिसून येत आहे.

आत्मनिर्भर भारताच्या बहिणी खऱ्या आयकॉन; पाणीपुरीचा व्यवसाय थाटून आठ सदस्यांचा बनल्या आधार

सफाई कर्मचाऱ्यांची पळवापळवी

गेल्या अनेक वर्षांपासून महापालिकेत सदस्य व पदाधिकारी म्हणून वावरत असलेल्या नगरसेवकांच्या प्रभागात नियमित व पुरेसे कर्मचारी आहेत. परंतु पहिल्यांदाच निवडून आलेल्या नगरसेवकांच्या प्रभागात स्वच्छतेसाठी सफाई कर्मचारी पळवापळवीही सुरू आहे. त्यामुळे नगरसेवकांत आपसांत वादही होत आहेत. 

संपादन - अथर्व महांकाळ