Girl raped in Nagpur 
नागपूर

निर्भया प्रकरणाची पुनरावृत्ती, बलात्कार केल्यानंतर गुप्तांगात टाकला रॉड

अनिल कांबळे

नागपूर : दिल्लीत 16 डिसेंबर 2012 रोजी चार युवकांनी युवतीचा बलात्कार केला. बलात्कारानंतर युवतीच्या गुप्तांगात रॉड टाकला होता. या घटनेनंतर देशात संतापाची लाट उसळली होती. युवक-युवतींनी स्वयंस्फूर्तीने रस्त्यावर उतरून या घटनेचा निषेध केला होता. काहीच दिवसांपूर्वी हैदराबादमध्ये अशी घटना घटली. चार युवकांनी डॉक्‍टर युवतीचा बलात्कार केल्यानंतर जिवंत जाळले होते. अशीच कौर्याची सीमा गाठणारी घटना नागपुरातील पारडी परिसरात उघडकीस आली आहे. संस्थेतील सहकारी कर्मचाऱ्याच्या 19 वर्षीय बहिणीवर आरोपीने रात्रभर अत्याचार केला. यानंतर पहाटेच्या सुमारास युवतीच्या गुप्तांगात स्टीलचा रॉड टाकला. पोलिसांनी योगीलाल रहांगडाले (वय 52) या नराधमाला अटक केली आहे. 

पोलिसांनी दिलेल्या माहितीनुसार, पीडित तरुणी व तिचा भाऊ पारडीतील एका संस्थेत काम करतात. याच संस्थेत योगीलाल रहांगडाले हा पर्यवेक्षक आहे. संस्थेलगतच असलेल्या एका खोलीत पीडित तरुणी, तिचा भाऊ अन्य एक तरुणी व रहांगडाले राहतात. 21 जानेवारीला तिचा भाऊ गावाला गेला होता. अन्य एक तरुणीही बाहेरगावी गेली होती. 

मध्यरात्री 12 वाजताच्या सुमारास रहांगडाले खोलीत आला. घरात कुणीही नसल्याची संधी साधून त्याच्यातील सैतान जागा झाला. त्याने तरुणीशी अश्‍लील चाळे करण्याचा प्रयत्न केला. मात्र, तरुणीने विरोध दर्शविल्याने तो संतापला. त्याने तिला मारहाण केली. त्यानंतर पहाटे पाच वाजतापर्यंत तिच्यावर बलात्कार केला व पसार झाला. सकाळी तरुणी शुद्धीवर आली. तिने आरडाओरड केली. बाजूला राहणारे कर्मचारी धावले. त्यांनी तिला रुग्णालयात दाखल केले. त्यानंतर तरुणीने पारडी पोलिसांत तक्रार दिली. पोलिसांनी अत्याचारासह विविध कलमान्वये गुन्हा दाखल करून रहांगडाले याला अटक केली. त्याची 29 जानेवारीपर्यंत पोलिस कोठडी घेण्यात आली आहे. 

चेहऱ्यावर मारला स्प्रे

तरुणीने विरोध केल्याने नराधम योगीलालने तिच्या चेहऱ्यावर स्प्रे मारला. ती काही क्षणातच बेशुद्ध झाली. यानंतर त्याने तिच्यावर रात्रभर बलात्कार केला. पहाटेच्या सुमारास योगीलालने मानवतेची सीमा पार करून तरुणीच्या गुप्तांगात स्टीलचा रॉड टाकला. शुद्धीवर आल्यानंतर तिने मोठ्याने किंचाळी फोडली. शेजारी राहणाऱ्या कर्मचाऱ्यांनी धाव घेतल्यामुळे तिचा जीव वाचला. तिच्यावर सध्या खासगी रुग्णालयात अतिदक्षता कक्षात उपचार सुरू आहे.

4 डिसेंबर 2019

4 डिसेंबर 2019 रोजीची मध्यरात्र. डॉक्‍टर तरुणी रस्त्यावरून जात असताना गाडी खराब झाली. चार युवकांनी तिची मदत करण्याचा बहाणा करीत पाशवी अत्याचार केला. आपले पकडले जाऊ या भीतीने आरोपींनी तिला जिवंत जाळले. या घटनेनंतरही देश सुन्न झाला होता. तपास करण्यासाठी घटनास्थळावर आरोपींना पोलिस घेऊन गेले असता त्यांनी पळ काढला. यानंतर पोलिसांनी त्यांना ठार मारले. याचे सर्वच स्तरावरून स्वागत झाले. नागपुरातील घटनेनंतर पोलिस कोणती कारवाई करतात याकडे सर्वांचे लक्ष लागले आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Maratha Kranti Morcha: मराठा क्रांती मोर्चाची शिर्डीत बैठक! जरांगे पाटलांच्या भूमिकेवर प्रश्नचिन्ह, विखे पाटलांच्या राजीनाम्याची मागणी

ताजमहालला हिरवा कंदील, निजामुद्दीन दर्ग्याला नकार; पाकिस्तानी शिष्टमंडळाबाबत भारताचा मोठा निर्णय, आणखी कुठं जाण्याची दिली परवानगी?

Latest Marathi News Live Update: पुण्यातील 'अमेझॉन' आणि 'बिग बास्केट'च्या डार्क स्टोअर्सवर एफडीएची धडक कारवाई

IND A vs PAK A: पाकिस्तानला हरवताच भारताचं सेमीफायनलचं तिकीट पक्कं होणार? जाणून घ्या संपूर्ण समीकरण

Maharashtra Housing Society Election Rules : छोट्या हौसिंग सोसायट्यांना मोठा दिलासा! आता ३५ दिवसांऐवजी अवघ्या ९ ते १३ दिवसांत पार पडणार निवडणुका; राज्य सरकारचा मोठा निर्णय

SCROLL FOR NEXT