नागपूर : व्हेरायटी चौकाची तऱ्हाच वेगळी आहे. शहरातील मध्यस्थानी असल्याने हा चौक कायमच गजबजलेला असतो. राजकीय हालचालींच्या पटलावर देखील हा चौक केंद्रस्थानी राहीला. येथे कधी धरणे आंदोलनाचा आवाज धुमला तर कधी हा चौक फेरीवाल्यांच्या भाऊगर्दीने फुलला. आता बघा ना... शहरात महात्माजींचे इतके पुतळे असताना आंदोलनासाठी आपसुकच याच स्थानाची निवड होते. हीच येथील व्हेरायटी म्हणता येईल. 

टाळेबंदीच्या काळात शहरात शांतता असताना व्हेरायटी चौकही शांत राहणे अपेक्षित होते. परंतु, तसे झाले नाही. स्वातंत्र्य संग्रामात येथूनच इंग्रजांना मांजरसेनेने "चले जाओ'चे नारे ऐकविले होते. त्यामुळे ही धरणे आंदोलनाची परंपरा नागपूरकरांनी कोरोनाच्या जीवघेण्या संकटातही खंडित होऊ दिली नाही हे या वर्तुळांनी सिद्ध केले आहे.

हेही वाचा - पत्नीला पडला प्रश्‍न, पतीचा मृत्यू नेमका झाला कुठे? वाचा धक्‍कादायक प्रकार...

व्हेरायटी चौक नागपूर शहराचा ऐतिहासिक वारसा आहे. तरीही गुगलवर चौकाचा इतिहास सर्च केल्यास धरणे आंदोलनाचे तपशीलच प्रथमत: दृष्टीक्षेपास पडतात. "साहेब' बांधकाम मंत्री असताना शहीद गोवारी पूल पूर्णत्वास आला. यावेळी अडथळा ठरलेल्या महात्माजींच्या पुतळ्याला बाजूला सरकविण्यात आले.

तेव्हापासून हा चबुतरा धरणे आंदोलनाचा आधारस्तंभ झाला. अनेक निराधारांना हक्‍क मिळवून देण्यात मोलाची कामगिरी बजावलेल्या व्हेरायटी चौकाने असंख्य नवोदितांचे करिअर घडविले आहे. महात्माजींची जयंती असो, पुण्यतिथी असो वा श्रीराम नवमीची शोभायात्रा व्हेरायटी चौकातील महात्माजींच्या पुतळ्याला महापालिकेतर्फे मंगलस्थान घालण्यात येते.

अधिक माहितीसाठी - अरे हे काय? व्हिडिओ क्लिप काढून करत होता ब्लॅकमेल, एका महिलेसह तिघांना...

इतरवेळी आंदोलनतर्के पुतळ्याकडे पाठ करून हक्‍कासाठी लढतात. कोरोनाच्या संकटाने माणसाच्या जगण्याची रित बदलवली आहे. त्यामुळे आगामी काळात धरणे, आंदोलन करण्याची पद्धतही बदलणार यात शंका नाही. अशात महात्माजींच्या पुतळ्याभोवती असे वर्तुळ कायम स्वरूपी बनवून घ्यावे लागणार इतके निश्‍चित.