सावनेर (जि.नागपूर) : जुन्या वादाचा राग ठेवून एका जीम ट्रेनरने दुसऱ्याचा खून केल्याची घटना शहरातील नाग मंदिराशेजारी रात्री साडेआठच्या सुमारास घडली. दोघेही शहरातील वेगवेगळ्या जीममध्ये ट्रेनर म्हणून काम करायचे. नरेंद्र सिंग असे आरोपीचे तर अंगद सिंग मृत ट्रेनरचे नाव आहे. अंगद मंत्री सुनील केदार यांचा खासगी अंगरक्षक म्हणूनही काम करायचा, अशी माहिती आहे.
पोलिसांकडून मिळालेल्या माहितीनुसार, सावनेर पोलिस ठाण्याच्या हद्दीत गुजरखेडी परिसरातील नाग मंदिराजवळ एका आरोपीने सत्तुरने हल्ला करून अंगद सिंग याला गंभीर जखमी केले. अंगद पळून जात असताना आरोपीने त्याचा पाठलाग करून त्याच्यावर सपासप वार केले. गंभीर जखमी अंगदला उपचारासाठी नागपूर येथे नेत असताना पाटणसावंगी परिसरात त्याचा मृत्यू झाला.
घटनेची माहिती मिळताच पोलिसांनी घटनास्थळी धाव घेतली आणि पंचनामा करून आरोपीचा शोध सुरू केला. यामागचे कारण सदया उघड झाले नाही. जि.प. व पं.सच्या निवडणुका नुकत्याच पार पडल्या. यावरून राग ठेवून वैमनस्यातून काटा काढला नसावा, असा तर यामागे काही जुना राग असावा, असा अंदाज व्यक्त करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.