धामणा लिंगा/ बाजारगाव (जि.नागपूर) :  गोंडखैरी येथील महिंद्रा कंपनीसमोर शनिवारी दुपारी साडेतीनच्या सुमारास उभ्या असलेल्या कंटेनरला इकॉनॉमिक्‍स येथून दुसऱ्या शिफ्टचे कर्मचारी घेऊन येणाऱ्या खासगी बसने जोरदार धडक दिली. या अपघातात कंटेनरच्या पाठीमागे चाकांची हवा तपासणारा चालक गंभीर जखमी झाला; तर खासगी बसमधील सुमारे 18 कर्मचारी किरकोळ जखमी झाले.

आणखी वाचा  : दुचाकीच्या कर्जासाठी वाट्‌टेल ते, एक दोन नव्हे नउ

12 कर्मचारी जखमी, चालकांची प्रकृती गंभीर
बाजारगाव परिसरातील सावंगा गावाजवळील इकॉनॉमिक्‍स कंपनीतून दुस-या शिफ्टचे कर्मचारी घेऊन येणा-या एका खासगी बसने उभा असलेल्या कंटेनरला पाठीमागून जबर धडक दिली.चालकाने महामार्गाच्या बाजूला कंटेनर उभा करून लघुशंकेला खाली उतरला व टायरमधील हवा तपासत होता. दरम्यान, भरधाव येणा-या बसने चालकासह उभ्या कंटेनरला जबर धडक दिली. यात कंटेनरचालक मोहम्मद आरिफ (वय 28, ए.पी. रोड करिअर कार्यालय, गोंडखैरी), बसचालक विजय बाबाराव राऊत (वय 33, प्लॉट क्र.391, चंदननगर पोस्ट हनुमाननगर, नागपूर) गंभीर जखमी झाले.
 

आणखी वाचा  : फुटपाथ दुकानदारच उभे झाले तुकाराम मुंढेंच्या विरोधात

 उपचार सुरू आहेत
29 कर्मचारी होते बसमध्ये बसमधील सुमारे 18 कर्मचारी किरकोळ जखमी झाले. या बसमध्ये 29 कर्मचारी प्रवास करीत होते. त्यातील 18 कर्मचारी किरकोळ जखमी झाले. घटनास्थळावर नागरिकांची गर्दी वाढली व जखमी कंटेनरचालकासह बसमधील जखमी कर्मचाऱ्यांना बाहेर काढण्यास मदत करून मिळेल त्या वाहनात उपचाराकरिता वाडी येथील खासगी रुग्णालयात ट्रक व बसच्या चालकांना दाखल करण्यात आले. 18 कर्मचाऱ्यांना नागपूर येथील खासगी रुग्णालयात पाठविण्यात आले. त्यापैकी बाकी कर्मचा-यांवर उपचार करून सुटी देण्यात आली. सहा कर्मचारी गंभीर जखमी असल्याने त्यांच्यावर उपचार सुरू असल्याची माहिती पोलिससूत्रांकडून प्राप्त झाली.