Maharashtra Assembly Winter Session: मुख्यमंत्रीपदावरुन पायउतार व्हावं लागल्यानंतर शिवसेना नेते उद्धव ठाकरे आजपासून सुरु झालेल्या हिवाळी अधिवेशनात सहभागी होणार आहे. यासाठी ते नागपूरकडे रवाना झाले असून काही वेळातच विमानतळावर पोहोचणार आहेत. यापार्श्वभूमीवर त्यांच्या स्वागतासाठी समर्थक कार्यकर्ते मोठ्या प्रमाणावर विमानतळ परिसरात गर्दी केली आहे. (Maharashtra Assembly Winter Session Uddhav Thackeray going to Nagpur)

वारसा संघर्षाचा अशा आशयाचे फलक हातात घेऊन कार्यकर्ते विधानभवन परिसरात दाखल झाले आहेत. त्यांच्याकडून घोषणाबाजीही करण्यात येत आहे. शिवसेनेत फूट पडल्यानंतर त्यांचा पाठिंबा देण्यासाठी कार्यकर्त्यांनी त्यांच्या स्वागतासाठी हजेरी लावली आहे. हिवाळी अधिवेशनात दोन दिवस त्यांचा नागरपूरात मुक्काम असणार आहे. उद्या ते सभागृहाच्या कामकाजात सहभागी होणार आहेत.

नागपूरचा शिवसैनिक उद्धव ठाकरे यांच्या पाठिशी उभा आहे. एकही शिवसैनिक कुठे गेलेला नाही. शहरप्रमुख नितीन तिवारी यांच्या मार्गदर्शनाखाली कार्यकर्ते इथं जमा झालेले आहेत. शिवसेनेचं हे शक्तीप्रदर्शन आहे. उद्धव ठाकरे जे शिवसेनाप्रमुख बाळासाहेब ठाकरे यांचे खरे वारसदार आहेत त्यांच्यासाठी हे शक्तीप्रदर्शन आहे. एकनाथ शिंदे हे फक्त नेते होते खरा शिवसैनिक फक्त उद्धव ठाकरेंसोबत आहेत.

हे ही वाचा : ज्ञानेश्वरीत आहेत HR निगडित व्यवस्थापन सूत्रे...