नागपूर ः पत्नीच्या चारित्र्यावर संशय घेत चाकूने हल्ला करीत असताना मुलगी आडवी आली. त्यामुळे पत्नीऐवजी त्याने मुलीवर चाकूने हल्ला करीत जखमी केले. ही घटना बुधवारी दुपारी दोन वाजता एमआयडीसीत घडली. कोमल चंद्रशेखर सरोदे (१२) असे जखमी मुलीचे नाव आहे.
पोलिसांनी दिलेल्या माहितीनुसार, आरोपी चंद्रशेखर सरोदे (४२) हा पत्नी ट्वींकल (३५), मुलगी कोमल, दीक्षा आणि मुलगा यश यांच्यासोबत मातोश्रीनगर, वानाडोंगरीत राहतो. त्याला दारूचे व्यसन आहे. तो नेहमी ट्वींकलच्या चारीत्र्यावर संशय घेतो. याच कारणावरून पत्नीला वारंवार मारहाण करीत होता. बुधवारी दुपारी ट्वींकल या मुलगी कोमलला घेऊन दवाखाण्यात घेल्या होत्या. त्यांना यायला उशिर झाला. त्यामुळे त्याने घरी असलेला मुलगा यश आणि दिक्षाला शिवीगाळ आणि मारहाण करणे सुरू केले.
दरम्यान ट्वींकल आणि कोमल घरी पोहचल्या. पतीने पुन्हा तिच्या चारित्र्यावर संशय घेत तिला मारहाण केली. घरातून चाकू आणून तिच्यावर हल्ला करण्याचा प्रयत्न केला. त्यानंतर दीक्षाच्या अंगावर चाकू घेऊन धावल्यामुळे मोठी मुलगी कोमलने तिला वाचविण्याचा प्रयत्न केला. त्यामुळे चिडून चंद्रशेखरने कोमलवर चाकूने हल्ला केला.
कोमलच्या हनुवटीवर आणि हाताला वार लागला. त्यांना जीवे मारण्याची धमकी दिली. या प्रकरणी तक्रारीवरून एमआयडीसी पोलिसांनी आरोपी चंद्रशेखर सरोदे याच्याविरूद्ध गुन्हा दाखल करीत अटक केली.
संपदान - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.