नागपूर : कोरोनाच्या संकटामुळे नियमित प्रवासी रेल्वेगाड्या बंद ठेवण्यात आल्या आहेत. लॉकडाउनच्या झळा मालवाहतुकीलासुद्धा बसल्या असून रेल्वेच्या उत्पन्नावर मोठा परिणाम झाला आहे. दक्षिण पूर्व मध्य रेल्वेने वेळेचा सदुपयोग करीत पडून असलेल्या भंगाराची विल्हेवाट लावण्यावर भर दिला.
भंगारामुळे रेल्वेची बरीच मोठी जागा गुंतून होती. उपयोगात नसलेले रूळ आणि साईडिंग्सचे प्रमाण फार मोठे होते. हे भंगार बऱ्याच काळापासून पडीत होते. लॉकडाउनमुळे निर्माण झालेल्या समस्या तसेच परिवहनात घट असल्यामुळे भंगाराच्या माध्यमातून लिलाव केल्याने चांगले उत्पन्न रेल्वेला मिळाले आहे.
दपूम रेल्वेचे मुख्य जनसंपर्क अधिकारी साकेत रंजन म्हणाले की, दपूम रेल्वेतील संपूर्ण विभागाला भंगार मुक्त करण्याचा ध्येय ठेवण्यात आले आहे. भंगाराची विल्हेवाट लावल्यामुळे केवळ उत्पन्नच मिळते असे नाही तर त्याचे रिसायकलिंग केल्याने पर्यावरणासाठी ते सकारात्मक ठरते. सर्व प्रकारची लिलाव प्रक्रिया क्रिसद्वारे विकसित इंटीग्रेटेड रेल्वे ई- प्रोक्योरमेंट सिस्टमच्या (आयआरईपीएस) ई-लिलाव मॉड्यूलच्या माध्यमातून ऑनलाइन आयोजित केली जाते. ज्यामुळे संपूर्ण भारतातील व्यावसायिक या बोलीत भाग घेऊ शकतात. तसेच ते साहित्य विकत घेण्यात सक्षमही असतात. हे काम मानवी हस्तक्षेपाशिवाय करता येते.
कठोर लॉकडाउनच्या काळात संपूर्ण जगाचेच अर्थचक्र थांबले. या अडचणीच्या काळात दक्षिण पूर्व मध्य रेल्वेने ई-लिलावाच्या माध्यमातून निरुपयोगी भंगार विक्रीवर लक्ष केंद्रित केले. तब्बल ३४ कोटीत भंगाराची विक्री करीत दपूमरेने विक्रमी कामगिरीची नोंद केली आहे.
(संपादन : प्रशांत राॅय)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.