वर्धा : येथील वर्धा-हिंगणघाट मर्गावर सोनेगाव लगत एका शेतात व्यक्तीचा मृतदेह आढळून आला. ही घटना बुधवारी (ता.28) सायंकाळच्या सुमारास उघड झाली. मृताचा चेहरा दगडाने ठेचल्याचे दिसत आहे. त्यामुळे अद्याप त्याची ओळख पटली नाही. या व्यक्तीचा दगडाने ठेचून खून करण्यात आल्याचे प्रथमदर्शनी दिसत आहे. पोलिसांनी घटनेची नोंद केली असून तपास सुरू आहे.
सध्या शेतात कपाशीचे पीक आहे. झाडे चांगलीच वाढली आहे. सदर शेतकरी शेतात गेला असता तिथे त्याला सडकी दुर्गंधी आल्याने त्याने जाऊन पाहिले असता तिथे मृतदेह पडून दिसला. त्याने लगेच याची माहिती अल्लीपूर पोलिसांना दिली. पोलिसांनी घटनास्थळ गाठत पाहणी केली असता मृतकाशेजारी एक दगड दिसून आला. यामुळे दगडाने ठेचून खून करण्यात आल्याचा प्राथमिक अंदाज आहे.
ही घटना आजची नाही. याला 24 तासांपेक्षा अधिक कलावधी झाल्याची माहिती पोलिस सूत्रांनी दिली. मृतदेह कुजण्याच्या दिशेने आल्याने तसा अंदाज व्यक्त करण्यात येत आहे. घटनेची माहिती मिळताच वरिष्ठ पोलिस अधिकाऱ्यांसह स्थानिक गुन्हे शाखेची चमूही घटनास्थळी दाखल झाली. पोलिसांकडून तपास सुरू झाला असून मृताची ओळच पटविण्यास प्रथम प्राधान्य देण्यात येणार असल्याची माहिती पोलिसांकडून देण्यात आली आहे.
श्वान पथकाला पाचाराण
घटनेची माहिती होताच पोलिस प्रशासनाकडून श्वान पथकाला पाचारण करण्यात आले. पथक येईपर्यंत काळोख झाल्याने श्वान कोणती दिशा दाखवितात याकडे अनेकांच्या नजरा होत्या. ही घटना येथेच घडली की विल्हेवाट लावण्यासाठी मृतदेह येथे आणून टाकला याचा खुलासा तपासाअंती होणार असून याकडे नागरिकांचे लक्ष लागले आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.