Nagpur Conflict Due to Money Lending: उधारीच्या पैशावरून झालेल्या वादातून बापलेकाने शेजाऱ्यावर हल्ला करीत तिघांना जखमी केले. ही घटना शुक्रवारी (ता.१५) रात्री साडेनऊ वाजताच्या सुमारास घडली. प्रणय ज्ञानेश्‍वर राजूरकर (वय २०, रा. नंदनवन झोपडपट्टी, गल्ली नं. ७) यांनी दिलेल्या तक्रारीवरून पोलिसांनी दोघांना अटक केली आहे.

सुनील लक्ष्मण कांबळे (वय ४५, रा. नंदनवन झोपडपट्टी, गल्ली नं.७) आणि तुषार सुनील कांबळे (वय १९) अशी आरोपींची नावे आहेत. पोलिसांनी दिलेल्या माहितीनुसार, प्रणयचे काका नरेन्द्र राजुरकर (वय ३३) यांनी सुनील यांना उधारीवर पैसे दिले होते. मात्र, ते पैसे परत मागीतले असता, सुनील यांच्याकडून टाळाटाळ करण्यात येत होती.

शुक्रवारी त्यांच्यात यावरून वाद झाला. त्यामुळे दोघेही एकमेकांशी भांडण करू लागले. ते सोडविण्यासाठी प्रणय गेला असता, त्याला दोघांनीही लाकडी राफ्टरने मारहाण करीत जखमी केले. याशिवाय काका सुनील आणि त्यांच्या पत्नीलाही मारहाण करीत जखमी केले. (Latest Marathi News)