नागपुरात घडलेल्या 'हिट अँड रन' प्रकरणात धक्कादायक खुलासा झाला आहे. 300 कोटी रुपयांच्या संपत्तीच्या हव्यासापोटी सुनेनं सासऱ्याच्या हत्येची 1 कोटी रुपयांची सुपारी दिल्याचं उघड झालं आहे. नागपूरच्या गुन्हे शाखेच्या तपासातून ही धक्कादायक बाब समोर आली आहे.

नागपूरच्या बालाजी नगर परिसरात २२ मे रोजी एका कारनं पुरुषोत्तम पुट्टेवार यांना चिरडून निघून गेली होती. या अपघातात पुट्टेवार यांचा जागीच मृत्यू झाला होता. वरकरणी हा अपघात वाटत असला तरी जीवे मारण्यासाठी रचलेला हा कट होता, हे पोलीस तपासात समोर आलं आहे. गुन्हे शाखेच्या पोलिसांच्या माहितीनुसार, सासऱ्याच्या हत्येसाठी सुनेनं एका कार चालकाला १ कोटी रुपये आणि बारचं लायसन्स देण्याचं कबूल केलं होतं. यासाठी मारेकरी ड्रायव्हरला 17 लाख रुपये अॅडव्हान्स देण्यात आले होते.

दरम्यान, या हिट अँड रन प्रकरणातील प्रमुख आरोपी असलेली सून अर्चना पुट्टेवार ही गडचिरोली जिल्ह्यात सरकारी नोकरदार आहे. या आरोपी सुनेसह आणखी तीन आरोपींना पोलिसांनी अटक केली आहे.