नागपूर : सिनेअभिनेता सनी देओलच्या एका चित्रपटातील डायलॉग "तारीख पे तारीख' चांगलाच गाजला. आजही हा डायलॉगचा वापर अनेकजण करीत असताता. गंमत म्हणूनही याचा वापर केला जातो. मात्र, याचा शिक्षकांना नाहक त्रास सहन करावा लागत होता. आता त्यांची प्रतीक्षा संपणार असल्याने मनस्ताप कमी होणार आहे.
राज्यात लाखो शिक्षकांची अपील प्रकरणे शाळा न्यायाधिकरणाकडे प्रलंबित आहेत. अनेक शिक्षक निवृत्त झालेत पण अद्याप त्यांच्या अपिलांचा निकाल लागलेला नाही. कधी आठ-आठ वर्षांपर्यंत अपील निकाली निघत नाही. त्यामुळे शिक्षक व शिक्षकेतर कर्मचाऱ्यांना मनस्ताप सहन करावा लागतो. विशेष म्हणजे तीन ते चार जिल्ह्यांसाठी एका शाळा न्यायाधिकरण असल्यामुळे तेथे हजारो अपील प्रकरणे दाखल आहेत.
एकाच पिठासीन अधिकाऱ्याला हजारो कर्मचाऱ्यांची अपील प्रकरणे अनेक तांत्रिक बाबींमुळे तीन महिन्यांच्या आत निकाली काढणे शक्‍य होत नाही. ही बाब कायद्यातील संवैधानिक तरतुदींना छेद देणारी असल्यामुळे कायद्याची तंतोतंत अंमलबजावणी होताना दिसत नसल्याचे निदर्शनात आले आहे.
अनेक शिक्षकांना लांबचा प्रवास करून सुनावणीसाठी हजर व्हावे लागायचे. यात कर्मचाऱ्यांचा वेळ व पैसा वाया जातो. तसेच अपील तीन महिन्यांत निकाली निघण्याऐवजी तीन वर्षांपेक्षाही अधिक कालावधी लागतो. ही बाब शिक्षकांमध्ये असंतोष निर्माण करणारी होती. मात्र, आता राज्यातील प्रत्येक जिल्ह्यात स्वतंत्र न्यायाधिकरण स्थापन करण्यात येणार असल्याने हा मनस्ताप कमी होईल, अशी अपेक्षा आहे.
खासगी शाळांमधील शिक्षकांना बडतर्फ करणे, नोकरीतून काढणे, त्यांची सेवा समाप्त करणे आणि पदोन्नतीत ज्येष्ठता डावलणे याविरोधात दाद मागणाऱ्या शिक्षक व शिक्षकेतर कर्मचाऱ्यांना निव्वळ "तारीख पे तारीख'चा मनस्ताप सहन करावा लागतो. यामुळे त्यांना नाहक त्रास सहन करावा लागत होता. आता मात्र त्यांचा त्रास कमी होणार असल्याचे दिसून येत आहे.
शिक्षकांची या मनस्तापातून सुटका करण्यासाठी प्रत्येक जिल्ह्यात शाळा न्यायाधिकरण स्थापन करण्यात यावे, अशा मागणीचे निवेदन भाजप शिक्षक आघाडी व जनता शिक्षक महासंघाच्या राज्य अध्यक्ष डॉ. कल्पना पांडे आणि राज्य सचिव अनिल शिवणकर यांनी मुख्यमंत्री उद्धव ठाकरे व शालेय शिक्षणमंत्री वर्षा गायकवाड यांना पाठविले होते. त्यावर लगेचच मुख्यमंत्र्यांनी कारवाई करण्याचे आदेश दिले.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.