नागपूर ः रेल्वे सुरक्षा दलाने सीताबर्डी पोलिसांच्या मदतीने शुक्रवारी माता मंदिराजवळील ओम श्री साई टूर्स ॲन्ड ट्रॅव्हल्सच्या कार्यालयावर छापा टाकून रेल्वेच्या ई-तिकिटांचा काळाबाजार उघडकीस आणला. तिकीट दलालाला अटक करण्यात आली असून, त्याच्याकडून एकूण ४७ हजारांचा मुद्देमाल जप्त करण्यात आला आहे.
राहुल अशोक साठवणे (३७) रा. राधाकृष्णनगर, वाठोडा असे आरोपीचे नाव आहे. त्याचे सीताबर्डी मेनरोडवर ओम श्री साई टूर्स ॲन्ड ट्रॅव्हल्स नावाने प्रतिष्ठान आहे. तो ऑनलाईन रेल्वे तिकीट चढ्या दराने विक्री करीत असल्याची माहिती रेल्वे सुरक्षा दलाला मिळाली होती. या माहितीची खात्री केल्यानंतर छापा टाकण्यात आला. त्यावेळी राहुल कार्यालयातच होता.
आरक्षित तिकिटांच्या विक्रीबाबत विचारणा केली असता त्याने आयआरसीटीसीचा अधिकृत परवाना असल्याचे सांगितले. संगणकाची तपासणी केली असता त्याने एकाच वेळी १२ हजार २७९ रुपये किमतीची सात तिकिटे आरक्षित केल्याचे निष्पन्न झाले. तिकिटांची संख्या परवानगीपेक्षा अधिक असल्याने सखोल चौकशी करण्यात आली.
त्यात फेक आयडीच्या वापराने प्रवाशांच्या मागणीनुसार चढ्या दराने विक्री करीत असल्याची कबुली दिली. त्याच्याकडून संगणक, प्रिंटर, मोबाईल, आयआरसीटीसीचे डोंगल असा एकूण ४७ हजारांचा मुद्देमाल हस्तगत करण्यात आला.
वरिष्ठ विभागीय सुरक्षा आयुक्त आशुतोष पांडे यांच्या मार्गदर्शनात करण्यात आलेल्या या कारवाईमध्ये उपनिरीक्षक एच. एल. मीना, जवान अश्विन पवार, अमित बारापात्रे, अश्विनी मुलतकर यांचा समावेश होता.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.