नागपूर : कोरोना काळात कोरोनाबाधितांनाही क्षयाची लागण होण्याची दाट शक्यता आहे. यामुळेच शासकीय वैद्यकीय महाविद्यालय (मेडिकल )च्या ट्रॉमा अर्थात कोविड हॉस्पिटलमध्ये दाखल असलेल्या कोरोनाबाधित रुग्णांमध्ये क्षयाची लक्षणे आढळून आले. त्यामुळे त्यांच्या थुंकीचे नमुने तपासण्यासाठी मेडिकलमधील टीबी विभागातील प्रयोगशाळेत नातेवाईक घेऊन गेले. परंतु, येथील कर्मचाऱ्यांनी हे नमुने तपासण्यास नकार दिला असल्याची धक्कादायक माहिती पुढे आली आहे. 

हेही वाचा - ‘डाकू डब्बल सिंह झाला अक्कल सिंह’; यवतमाळच्या मातीत ‘...

मेडिकलमधील कोविड हॉस्पिटलमध्ये (ट्रॉमा युनिट) खुशाल मेश्राम आणि गोदरु वाघमारे या दोघांना क्षय असल्याचा प्राथमिक अंदाज उपचारादरम्यान व्यक्त करण्यात आला आहे. यामुळे या रुग्णांच्या थुंकीचे नमुने तपासण्याचा सल्ला येथील डॉक्टरांनी दिला. दरम्यान, येथील परिचारिका किंवा डॉक्टर यांनी नमुने न घेता कोरोनाबाधित रुग्णांच्या थुंकीचे नमुने नातेवाइकांनी घ्यावे, असे सांगण्यात आले. जवळचे नातेवाईक असल्याने त्यांनी जीव मुठीत घेऊन नमुने घेतले. टीबी वॉर्ड परिसरातील वॉर्डात नेले. मात्र, येथे हे नमुने स्वीकारण्यात आले नाही. कोरोनाबाधितांचे नमुने तपासण्याचे धोरण अद्याप तयार झाले नसल्याचे या नातेवाईकांना सांगण्यात आले. 

हेही वाचा - बापरे! एकाच जिल्ह्यात ११ महिन्यात २५३ शेतकऱ्यांच्या...

धोरण ठरायचे आहे तर मग नातेवाइकांना नमुने घेण्यास का लावले? असा सवाल वंचितचे कार्यकर्ते सिद्धांत पाटील यांनी केला आहे. संतप्त झालेल्या नातेवाइकांनी रुग्णाच्या जिवाला बरे वाईट झाल्यास न्यायालयात जाण्याचा इशारा दिला आहे. यासंदर्भात क्षयरोग विभागप्रमुखांशी संपर्क साधला असता, संपर्क होऊ शकला नाही. 

हेही वाचा - शेतमजूर असलेल्या दिलीपची 'ही' संपत्ती पाहून...

कर्मचाऱ्यांवर नाही वचक - 
कोरोनाबाधितांच्या थुंकीचे नमुने हातात घेऊन नातेवाईक तासभर टीबी वॉर्ड परिसरात तासभर प्रतीक्षा करीत होते. परंतु, येथील कर्मचाऱ्यांनी नमुने स्वीकारले नाही. विशेष असे की, या विभागातील वरिष्ठ डॉक्टरांना याची माहिती दिल्यानंतर त्या कर्मचाऱ्यांशीच बोला, माझ्याशी संबंध नाही, असे सांगण्यात येते. यामुळे या कर्मचाऱ्यांवर कोणताही वचक नसल्यानेच रुग्णांच्या नातेवाइकांची अशाप्रकारची हेळसांड होत असते. या प्रकरणाची तक्रार करण्यात येईल, असेही पाटील म्हणाले.