नागपूर ः कुणाच्या घरी अंत्यसंस्कारासाठी पाहुणे आल्यानंतर शोकग्रस्तांना सांत्वन करणे आणि धीर देण्याचे काम नातेवाईकांचे आहे. मात्र, मयतीसाठी आलेल्या पाहुण्यांनी मृताच्या ३ लाख २० हजारांचे सोन्याचे दागिण्यांवर हात साफ करीत शोकग्रस्तांना आणखी दुःख दिले. घरातील दागिणे चोरणाऱ्या अज्ञात पाहुण्यांविरुद्ध पोलिसांनी चोरीचा गुन्हा दाखल केला आहे. ही घटना शांतीनगर कॉलनी येथे घडली.
पोलिसांनी दिलेल्या माहितीनुसार, शांतीनगर कॉलनी येथे राहणाऱ्या जनार्दन बाबुराव चौधरी (६५) यांच्या पत्नी इंदूबाई यांचे काही दिवसांपूर्वीच निधन झाले. अंत्यसंस्काराला चौधरी यांचे बरेच नातेवाईक आले होते. काही नातेवाईक त्यांच्याच घरी थांबले होते.
२९ जानेवारी रोजी दुपारी तीन ते चार वाजेदरम्यान अंत्यसंस्काराला आलेल्या पाहुण्यांपैकी अज्ञात पाहुण्यांनी चावीने कपाट उघडून त्यात ठेवलेले ३ लाख २० हजाराचे सोन्याचे दागिने चोरून नेले. याप्रकरणी शांतीनगर पोलिसांनी चोरीचा गुन्हा दाखल केला आहे.
आता पोलिस मयतीसाठी आलेल्या नातेवाईकांची चौकशी करणार आहेत. त्यामुळे ज्या नातेवाईकांचा या चोरीशी संबंध नाही, त्यांना मनस्ताप सहन करण्याची वेळ येणार आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.