नागपूर ः विदेशात करीत असलेल्या ऑनलाईन बिजनेसमध्ये काम करीत असताना आलेल्या तणावामुळे एका विवाहितेने गळफास घेऊन आत्महत्या केल्याची धक्कादायक माहिती समोर आली आहे. प्रियंका मंगेश राऊत (३२, ग्राम तुकोबा, बिडीपेठ) असे आत्महत्या केलेल्या विवाहितेचे नाव आहे.
सक्करदरा पोलिसांनी दिलेल्या माहितीनुसार, प्रियंका उच्चशिक्षित असून त्यांचा विवाह मंगेश यांच्याशी झाला होता. त्यांना दोन वर्षाची मुलगी आहे. त्या गेल्या काही महिन्यांपासून विदेशातील कंपनीशी जुळल्या होत्या. फार्मसीची ऑनलाईन व्यवसाय त्या करीत होत्या. रात्री दोन वाजेपर्यंत त्या लॅपटॉपवर काम करीत होत्या.
बुधवारी त्या पतीसह फिरायला बाहेर गेल्या होत्या. रात्री सर्वांनी जेवण केल्यानंतर नेहमीप्रमाणे त्या रात्री बरा वाजताच्या सुमारात लॅपटॉपवर काम करीत होत्या. तर पती आणि मुलगी दुसऱ्या रूममध्ये झोपले होते. रात्री तीन वाजताच्या सुमारास मुलगी रडायला लागल्यामुळे मंगेश यांना जाग आली. ते मुलीला घेऊन लगेच पत्नीच्या रूमकडे गेले. दरवाजा उघडला असता प्रियंकाने मुलीसाठी बांधलेल्या पाळण्याच्या दोरीने गळफास घेतलेल्या अवस्थेत दिसल्या.
त्यांनी लगेच आईला झोपेतून उठवले तसेच पोलिसांना फोन केला. याप्रकरणी सक्करदरा पोलिसांनी आकस्मिक मृत्यूची नोंद केली. प्रियंका यांनी कामाच्या टेंशनमुळे आत्महत्या केली असावी, अशी शक्यता असल्याची माहिती दिली.
रस्त्याने पायी जाणाऱ्या विद्यार्थिनीची बॅग हिसकावून पळून जाण्याच्या प्रयत्नात अललेल्या युवकाची नागरिकांनी चांगली धुलाई केली. ही घटना बुधवारी दुपारी रामनगर चौकाजवळील जीबी हॉस्पिटलसमोर घडली. अमित ढोक असे अटकेतील लुटारूचे तर मानसी संजय ढोमणे (वय २१, रा. अंबाझरी टेकडी) असे जखमी विद्यार्थिनीचे नाव आहे. बुधवारी दुपारी मानसी ही कॉलेजमधून पायी घरी जात होती. जीबी हॉस्पिटलसमोर अमित याने मानसीच्या खांद्याला लटकविलेली बॅग हिसकावली. मानसीने बॅग घट्ट पकडली. ती खाली पडली. सुमारे दहा फुट अंतरापर्यंत अमित त्याने तिला फरफटत नेले. बॅग हिसकावली. मानसीने नातेवाइकाच्या मोबाइलवर संपर्क साधून घटनेची माहिती दिली. नातेवाइक तेथे पोहोचले. काही नातेवाइकांनी लुटारूचा शोध घेतला. रामनगर परिसरात अमित हा बॅगमधून पैसे काढताना दिसला. नातेवाइकांनी त्याला पकडले. नागरिक जमले. नागरिकांनी अमित याला चांगलाच चोप दिला.
संपादित - अतुल मांगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.