कामठी (जि. नागपूर) : येथील आठवडी बाजार अनेक वर्षांपासून शुक्रवारला भरत असतो. मात्र, या दिवशी बाहेर गावावरून बाजारात येणाऱ्या महिलांच्याच पर्स चोरी होत असल्याने बाजारात बाजार करण्यास आलेल्या महिला त्रस्त झालेल्या आहेत.
सविस्तर असे की, येथे दर दिवशी बाजार भरत असला तरी महत्वाचा आठवडी बाजार असतो. या आठवडी बाजारात शहरासह ग्रामीण भागातील रनाळा, येरखेडा, आजणी, गादा, गोराबाजार, सैनिक छावणी परिसरातील असंख्य नागरिक विशेषकरून महिला मोठ्या प्रमाणात येत असतात. परंतु, या संधीचा लाभ घेण्यासाठी महिला चोर सर्वसाधारण महिलांवर डोळा ठेवून असतात.
चोरट्या महिला या कन्हान भागातील असल्याचे समजते. या महिला ग्रुपमध्ये बाजारात येत जरी असले तरी बाजारात प्रवेश करताच वेगवेगळ्या होऊन या महिला बाजारात येणाऱ्या महिलांचे लक्ष विचलित करीत जवळीक साधून आपली शिकार ठरवितात.
सर्वसाधारण महिलांसोबत या घटना घटतात. अशा चोरीच्या शिकार झालेल्या महिलांना घरी जाताच कुटुंबीयांचा रोष ओढवून घ्यावा लागतो. बोटावर मोजण्या इतक्याच महिला पोलिसांकडे तक्रार करतात तर कित्येक महिला पोलिसांकडे तक्रार करतच नाही.
येथील महिला आता पोलिसांकडे आशेने पाहताहेत. किमान बाजाराच्या दिवशी नव्याने रुजू झालेले जुनी कामठी पोलिस ठाण्याचे वरिष्ठ पोलिस निरीक्षक विजय मालचे यांनी पोलिस कर्मचाऱ्यांना साध्या गणवेशात बाजारात पाळत ठेवण्याकरिता पाठवून बाजारात येणाऱ्या महिलांकडे लक्ष देऊन महिलांचे चोरी होणाऱ्या घटना थांबविण्याची मागणी करण्यात येत आहे.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.