नागपूर : कोरोनावर नियंत्रण मिळविण्यासाठी नागरिकांना क्वारंटाइन करण्यात येते. परंतु, याचा फायदा आता चोरटेसुद्धा उचलू लागले आहे.

नागपुरात बहरले सोनू सूदचे प्रेम; शंकरनगरातील ब्रेड पकोडा व कटिंग चहाचा होता दिवाना 

संपूर्ण कुटुंबाला क्वारंटाइन केल्याने घरी कुणीच नसल्याचा फायदा चोरट्यांनी घरातील लाखोंचा माल लंपास केला. क्वारंटाइन क्षेत्रात पोलिसांचा बंदोबस्त असतो. असे असतानाही चोरट्यांनी हात साफ केल्याने सुरक्षायंत्रणेवर प्रश्‍न उपस्थित करण्यात येत आहे. 

अजनी ठाण्यांतर्गत चंद्रमणीनगर परिसरात कोरोना रुग्ण मिळाल्यानंतर परिसरातील नागरिकांना क्वारंटाइन करण्यात आले. गल्ली नंबर 5 येथील जवळपास संपूर्ण नारिकांना क्‍वारंटाइन करण्यात आले.

झाड केले कमी उंच, फळे झाली टंच!   

बाहेर पोलिसांना बंदोबस्त लावण्यात आला. येथील पूजा प्रशांत वाडके यांच्या कुटुंबीयांना वाठोडाच्या सिम्बॉयसिसमध्ये क्वारंटाइन केले होते. यामुळे घराला कुलूप होते. घरात कुणीच राहत नसल्याचा फायदा चोरट्यांनी घेतला. 26 जून ते 28 जूनदरम्यान अज्ञात आरोपीने तळमाळ्याचे कुलूप तोडून घरात प्रवेश केला.

बेडरूमच्या कपाटामध्ये ठेवलेले सोन्या-चांदीचे दागिने व रोख 70 हजार, असा एकूण 1.34 लाख रुपयांच्या मालावर हात साफ केला. पूजा प्रशांत वाडके (40) यांच्या तक्रारीवरून गुन्हा नोंदविला आहे. या घटनेमुळे स्थानिकांमध्ये भीतीचे वातावरण आहे. चोरी गेलेली रक्कम नुकसानभरपाईच्या स्वरूपात पोलिसांनी परत करण्याची मागणी कृष्णा दहिवसे, पुला वाडके, रोहित रामटेके, बरुण कांबळे, सुधीर गजभिये, सूरज धोगडे, स्वप्नील मसारकर, किशोर मसारकर, संदेश नगरारे, विजय काले आदींनी केली आहे.