अकोला : इच्छा आणि कल्पनाशक्ती असेल तर सर्व साध्य करता येते. याचेच उदाहरण म्हणजे केवळ इयत्ता आठवीत असलेली नंदीनी सदानंद ढोरे. ही वाडेगावला राहत असून तीचे पालक तिला नेहमी प्रोत्साहित तर करतातच मात्र, शाळेलाही तिच्या चित्रकलेचं अप्रुप वाटतं.
सातवीपूर्वी तीला आपण कधी चांगलं चित्र काढू असं वाटतच नव्हतं. मात्र, सातवीतच तीला वेगवेगळे विषय सुचायला लागले, आणि ती तेवढ्याच सुबकतेने कागदावर रेखाटायला लागली. हळूहळू आवड वाढू लागली. दरम्यान ‘सकाळ’ चित्रकला स्पर्धेत तिने सहभाग घेतला आणि घवघवीत यश मिळविलं. आत्मविश्वास द्विगुणीत झाला. आता ती ऑईल पेस्टर, ऑईल पेंटींग, कॅनव्हॉस पेंटींग अशी एकाहून एक सुरेख चित्र लिलया काढते. कोणतेही विशेष प्रशिक्षण न घेता नंदीनीने हे साध्य करून दाखविलं आहे.
हेही वाचा - पंचेचाळीस वर्षांपासून अब्दुलचाचा बनवितात देवघरे
सकाळ चित्रकला स्पर्धेपासून मिळाली प्रेरणा
गतवर्षी आयोजित ‘सकाळ चित्रकला स्पर्धा’ नंदीनीच्या शाळेतच होती. इतर विद्यार्थ्यांप्रमाणे तिनेही सहभाग नोंदविला. मात्र, तिचं सुरेख चित्र प्रत्येकाला आवडालयला लागलं. दरम्यान, या स्पर्धेतून ती बक्षीसाची मानकरी ठरली असल्याने तिचा आनंद आणि आत्मविश्वास द्विगुणीत झाला असल्याचे नंदीनी सांगते.
हेही वाचा - सोन्याचा भाव पाहूच नका, परवडणारं नाही ते!
वडीलांने केले प्रोत्साहीत
नंदीनीचे वडील स्वतः शिक्षक आहेत. नंदीनीमध्ये वाढत जाणारी चित्रकलेची आवड वडीलांनी हेरली आणि वेळोवेळी तिला प्रोत्साहित केले. हवं ते साहित्य, हवा तो रंग पुरविण्यासाठी आई-वडीलांनी खऱ्या अर्थाने नंदीनीच्या चित्रकलेचेच लाड पुरविले.
महत्त्वाची बातमी - निवडणुकीच्या प्रचारात सहभागी होणे तलाठ्याला भोवले
शाळा जपतेय वेगळेपण
शिक्षण प्रसारक मंडळामार्फत चालविल्या जाणारी श्री जागेश्वर शाळा वाडेगावतील सर्वात मोठी शाळा आहेत. शेकडो विद्यार्थी येथे ज्ञानार्जन करीत आहेत. असे असले तरी प्रत्येक विद्यार्थ्यांकडे शिक्षकांसह संचालकांचे लक्ष असल्याने नंदीनीसारख्या विद्यर्थ्यांमधील सुप्त गुणांना जोपासण्याचे काम तर ही संस्था करतेच. यासोबतच विविध स्पर्धांची माहिती, मार्गदर्शन आणि सहभाग घेणाऱ्या विद्यार्थ्यांना प्रोत्साहन देण्याचे काम उत्सुकतेने केल्या जात असल्याचे संस्थेचे संचालक गोपाल मानकर यांनी ‘सकाळ’शी बोलताना सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.