अमरावती ः साध्या-सरळ लोकांकडून जाणून-बुजून पैसे लुबाडण्याचे अनेक किस्से आपण रोजच ऐकत वा वाचत असतो. मात्र, हा किस्सा काही ओरच आहे. तुम्ही वाचाल तर अवाक् व्हाल. एका दुचाकी वाहनाच्या समोर जाणून-बुजून पडून अपघात घडल्याचे भासवून पैसे उकळण्याचा प्रकार अमरावती शहरात घडला. या प्रकारामुळे तेथे राडा झाला. मात्र, कोतवाली व नियंत्रण कक्षाच्या पोलिसांनी धाव घेतल्यामुळे तणाव निवळला. 

अमरावती शहरातील हा प्रसंग. लॉकडाउन सुरू झाल्यानंतर शहराच्या मुख्य चौकात वाहन थांबले की पैसे मागण्यासाठी बरेच जण आसपास फिरताना दिसतात. येथील मालडेकडी रोडवर असलेल्या मध्यवर्ती बसस्थानकासमोरील मार्गाने एक युवती शनिवारी, ३ फेब्रुवारी रोजी दुपारच्या सुमारास आईसोबत दुचाकीने घराकडे जात होती.

एका पोलिस अधीक्षकाचे स्वप्न, ‘पोलिस ठाणे महिलांना माहेर, तर मुलांना आजोळ वाटेल असे बणविणार!’ 
 

तेवढ्यात अचानक एक जखमी मुलगा त्यांच्या दुचाकीसमोर येऊन झोपला. हे काय होत आहे ते त्या मायलेकींना समजलेच नाही. त्यानंतर अवघ्या पाच मिनिटात भटक्या  २५ ते ३० महिला आणि पुरुषांनी दुचाकीस्वार युवतीला घेरले. त्यामुळे युवती व तिची आई घाबरली. ज्या लोकांनी युवती व तिच्या आईला घेरले त्यापैकी काहींनी युवतीकडे थेट पैशांची मागणी सुरू केली. 

जेवताना पोळी कधी आणि किती खावी? जाणून घ्या आहारतज्ज्ञ डॉ. कविता गुप्ता यांचा सल्ला
 

त्या ठिकाणी उपस्थित परिसरातील लोकांपैकी कुणाचीही युवतीला घेरणाऱ्या लोकांची समजूत काढण्याची हिंमत होत नव्हती. त्यामुळे कोणीतरी तातडीने शहर कोतवाली पोलिस ठाणे आणि नियंत्रण कक्षाला घटनेची माहिती देण्यात आली. सीआर व्हॅनसह कोतवाली पोलिसांचे पथक घटनास्थळी पोहोचले. त्यानंतर युवती व महिलेला जमावापासून वेगळे करण्यात आले. खरा प्रकार उघडकीस आल्यानंतर युवतीकडून पैसे उकळण्याचा प्रयत्न करणाऱ्या जमावाला दूर जाण्यास पोलिसांनी भाग पाडले. 

संपादन ः राजेंद्र मारोटकर