अमरावती : वर्षभरापूर्वी झालेल्या वादाचा वचपा काढण्याच्या हेतूने पिता-पुत्राने भाल्याने भोसकून वृद्धाचा खून केला. शुक्रवारी (ता. सात) सायंकाळी साडेसहाच्या सुमारास दर्यापूर तालुक्यातील हिंगणी मिर्झापुर येथे ही घटना घडली.

पोलिसांनी दिलेल्या माहितीनुसार, उत्तमराव सोळंके (वय ६८, रा. हिंणगी मिर्झापूर) असे मृत वृद्धाचे नाव आहे. दर्यापूर पोलिसांनी विजय रघुनाथ तायडे (वय ४०) व रघुनाथ बहाद्दुर तायडे (वय ६८, दोघेही रा. हिंणगी मिर्झापूर) या दोघांविरुद्ध खुनाचा दाखल केला आहे. वर्षभरापूर्वी विजयच्या बहिणीचे उत्तमराव सोळंके यांच्या मुलासोबत शिवीगाळ केल्याप्रकरणी भांडण झाले होते. तेव्हा गुन्हाही दाखल झाला होता.

बापरे! - विश्वासाला तडा... प्रियकराच्या मदतीने पत्नी करत होती पतीचा खून अन् पाच वर्षांचा मुलगा उघड्या डोळ्याने बघत होता

त्याच वादातून वर्षभरापासून एकाच गावात राहणाऱ्या रघुनाथ तायडे व उत्तमराव सोळंके यांच्या कुटुंबात वाद सुरूच आहे. शुक्रवारी (ता. सात) जुन्याच वादावरून पुन्हा त्यांच्यात भांडण झाले. एकमेकांना शिवीगाळही केली. रागाच्या भरात विजय तायडे याने जवळच्या भाल्याने वार करून उत्तम सोळंके यांना गंभीर जखमी केले.

जखमीला उपचारासाठी रुग्णालयात दाखल केले असता उपचारादरम्यन सोळंके यांचा मृत्यू झाला. रत्ना उत्तम सोळंके (वय ६०) यांच्या तक्रारीवरून दर्यापूर पोलिसांनी तायडे पिता-पुत्राविरुद्ध गुन्हा दाखल करून त्यांना रात्रीच अटक झाली. असे तपास अधिकाऱ्यांनी सांगितले.

क्लिक करा - सावधान! विदर्भातील पावसाबाबत हवामान विभागाने दिले हे गंभीर संकेत.. वाचा सविस्तर

शस्त्र् केले जप्त
जुन्या वैमनस्यातून झालेली शिवीगाळ व आलेला राग अनावर झाल्याने हा खून झाला. या व्यतिरिक्त दुसरी पार्श्वभूमी नाही. ज्या शस्त्राने वार केला ते जप्त व्हायचे आहे.
- तपन कोल्हे,
पोलिस निरीक्षक, दर्यापूर ठाणे

संपादन - नीलेश डाखोरे