खामगाव (जि.बुलडाणा) : तालुक्यातील पारखेड येथे एका दीड वर्षीय चिमुकलीचा पाण्याने भरलेल्या बकेटमध्ये बुडून मृत्यू झाल्याची हृदयद्रावक घटना आज 21 फेब्रुवारी रोजी सकाळी घडली.
याबाबत प्राप्त माहितीनुसार, पारखेड येथील सागर सावळे यांची दिड वर्षीय मुलगी चंचल ही सकाळी खेळतांना बाथरुममध्ये गेली. या ठिकाणी पाण्याने भरलेली मोठी बकेट ठेवलेली होती. चंचल अचानक या बकेटमध्ये पडली. मात्र, बाथरूम घराच्या बाहेर अंगणात असल्याने लवकर ही बाब कुणाच्या निदर्शनास आली नाही.
महत्त्वाची बातमी - नागपूरच्या राष्ट्रीय स्तरावरील बॉक्सरची अकोल्यात आत्महत्या
डॉक्टरांनी केले मृत घोषित
थोड्या वेळाने सदर प्रकार लक्षात आला असता कुटुंबीयानी तत्काळ तिला येथील सामान्य रुग्णालयात आणले. मात्र, डॉक्टरांनी तपासणी करून चंचलला मृत घोषित केले. या घटनेमुळे सर्वत्र पारखेड येथे हळहळ व्यक्त होत आहे. याप्रकरणी ग्रामीण पोलिसांनी आकस्मिक मृत्यूची नोंद केली आहे.
क्लिक करा - वृद्धाचा खून, मारहाण करून फेकले घराजवळ
यापुर्वीही घडल्या अशा घटना
लहानमुलांकडे दुर्लक्ष करणे किती महागात पडू शकते, हे या घटनेवरून प्रकर्षाने दिसून येत आहे. मुलं अंगणात खेळत असताना आई-वडील लक्ष देत नाहीत. त्यामुळेच अशा घटना घडतात. यापुर्वीही अशा प्रकारच्या दुर्दैवी घटना घडलेल्या आहेत. तरी पालकांनी लहानमुलांबाबत दक्षता बाळगणे आवश्यक बनले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.