वर्धा : कोरोना संसर्गाचा प्रादूर्भाव वाढताच शासनाने अनेक सेवा बंद केल्या. यात उपप्रादेशिक परिवहन विभागाच्या वतीने देण्यात येत असलेल्या वाहन परवान्याचे कामही बंद करण्यात आले होते. आता हे परवाने देण्याच्या कामाला काही अटी लादून परवानगी देण्यात आली आहे.
परिवहन आयुक्तांच्या आदेशानुसार अनुज्ञप्ती जारी करणे, दुय्यम करणे आदी कामे तसेच वाहन नोंदणी, वाहन हस्तांतरण, वाहनविषयक सर्व कामे, परवाना विषयक सर्व कामे वायुवेग पथक आदी कामकाज सुरू करण्यात यावे, असे सूचित केले आहे. गत 25 मार्चपासून परवाना आणि इतर कामे बंद होती. यामुळे नागरिकांना त्याचा त्रास सहन करावा लागत होता. आता ही सेवा सुरू झाली असून, नागरिकांना याकरिता अपॉइटमेंट घेऊन कामे करावी लागणार आहेत. ही कामे करताना आयुक्तांकडूनच काही नियमघालून देण्यात आले आहेत.
कार्यालयातून वाहन चालक परवाना देण्याकरिता शासनाकडून परवानगी देण्यात आली आहे. त्यात दिलेल्या अटीनुसार कामे करावी. वाहन चालक परवाना देताना याकरिता कुठल्याही शिबिराची मात्र परवानगी देण्यात आली नाही.
ऑनलाईन परवागनी आवश्यक
वाहन चालकाचा शिकाऊ आणि पक्का परवाना देण्याची कामे गत काही दिवसांपासून बंद होती. ती कामे सुरू करण्याची परवानगी देण्यात आली आहे. याकरिता अर्जदाराला ऑनलाइन परवानगी घेऊन यावे लागणार आहे.
विजय तिरणकर, सहायक उपप्रादेशिक परिवहन अधिकारी, वर्धा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.