धारणी (जि. अमरावती ः महाराष्ट्र पोलिसांच्या वर्धापन दिनानिमित्त धारणी पोलिस पाटील संघटना सेवा प्रतिष्ठान व धारणी शहरातील नागरिकांच्या विद्यमाने आयोजित करण्यात आलेला रक्तदान शिबिरात आज, शुक्रवारी मेळघाटातील रक्तदानाचे सर्व रेकॉर्ड मोडले आहे. या शिबिरात तब्बल ७०१ जणांनी रक्तदान केले.
धारणी पोलिस स्टेशनमध्ये मेळघाटातील विद्यार्थ्यांसाठी स्पर्धा परीक्षा वाचनालयाचे उद्घाटन सहायक जिल्हाधिकारी मिताली सेठी, पोलिस अधीक्षक हरी बालाजी, आयपीएस निकेतन कदम व मेळघाटातील नागरिकांच्या उपस्थित पार पडले. यानिमित्त आयोजित रक्तदान शिबिरासाठी धारणी पोलिसांनी पंधरा दिवसांपासून तयारी केली होती.
लोकांना रक्तदानाचे महत्त्व पटवून देण्यासाठी गावोगावी पोलिस अधिकारी व कर्मचाऱ्यांनी मेहनत घेतली. पोलिस पाटील संघटनेनेही या रक्तदान शिबिरासाठी विशेष मेहनत घेतली. प्रत्येक गावातून रक्तदानासाठी नागरिकांना आवाहन करण्यात आले. त्यामुळे रक्तदान करण्याकरिता शेकडो लोकांनी येथे गर्दी केली. रक्तदानासाठी ‘वेटिंग’ करण्याची वेळ धारणी रंगभवन मैदानात आली होती. रक्तदान शिबिरात प्रत्येक विभागातील कर्मचारी, अधिकारी आणि शिक्षकांनी रक्तदान केले.
तहसीलदार अतुल पटोले, नायब तहसीलदार आदिनाथ गांजरे यांनी सहपरिवार रक्तदान केले. यावेळी एचडीपीओ काळे, वनपरिक्षेत्र अधिकारी हिरालाल चौधरी, न.प. सीईओ सुधाकर पानझाडे यांनीही भेट दिली. शिबिर यशस्वी करण्यासाठी आयपीएस निकेतन कदम यांच्या मार्गदर्शनात गीते, भोयर, माया वैश्य, मालपुरे, अनिल झारेकर, अनुराग पाल, सचिन होले तसेच धारणी पोलिस स्टेशनमधील कर्मचारी, अधिकारी, सेवा प्रतिष्ठान व पोलिस पाटील संघटनेने विशेष प्रयत्न केले.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.