चंद्रपूर : डॉ. शीतल आमटे-करजगी यांच्या आत्महत्येनंतर पोलिसांनी कमालीची चुप्पी साधली आहे. दुसरीकडे आत्महत्येपूर्वी डॉ. शीतल यांनी केलेली चॅटिंग या आत्महत्या प्रकरणाच्या तपासाची दिशा ठरवताना महत्त्वाची ठरणार आहे. पोलिसांनी जप्त केलेले लॅपटॉप, टॅब आणि मोबाईल मुंबईच्या सायबर सेलकडे पाठविला आहे. परंतु, या गॅझेटचा पासवर्ड काही दिवसांपूर्वीच बदलला होता. पासवर्ड डॉ. शितल यांनी स्वत:चे डोळे ठेवले होते. त्यामुळे सायबर सेल आता तज्ज्ञांची मदत घेत आहेत.

महारोगी सेवा समितीच्या मुख्य कार्यकारी अधिकारी डॉ. शीतल आमटे-करजगी यांच्या शवविच्छेदनाचा अहवाल पोलिसांना प्राप्त झाला आहे. कुटुंबातील बयाण, शवविच्छेदन अहवाल आणि फॉरेन्सिक अहवाल आल्यानंतर त्यातील कडी जोडली जाईल. त्यानंतर यावर बोलणे योग्य राहील, अशी पोलिसांनी भूमिका घेतली आहे. 

जाणून घ्या - Video : तारणहार म्हणवणाऱ्या जगदीश खरेंची ‘लिम्का बुक’मध्ये नोंद; अभिनेता अक्षयकुमारने दिले होते पाच लाख

दरम्यान वरोऱ्याचे उपविभागीय पोलिस अधिकारी नीलेश पांडे यांनी आज आनंदवनात जाऊन पुन्हा चौकशी केली. परंतु, याचा तपशील सांगण्यास त्यांनी नकार दिला. डॉ. शीतल यांनी आत्महत्येसाठी कुठले औषध वापरले, हे फॉरेन्सिक अहवाल आल्यानंतर स्पष्ट होईल. तोपर्यंत यावर भाष्य करणे योग्य नाही, असे पोलिसांचे म्हणणे आहे.

गौतम करजगींना नव्हती माहिती 

डॉ. शीतल यांचा लॅपटॉप, टॅब आणि मोबाईल नागपूरच्या फॉरेन्सिक पथकाने ताब्यात घेतले आहे. ते मुंबईतील आयटी तज्ज्ञांकडे पाठविले आहे. डॉ. शीतल या वापरत असलेल्या गॅजेटचे पासवर्ड काही दिवसांपूर्वीच बदलले होते. याची माहिती त्यांचे पती गौतम करजगी यांना नव्हती. काही गॅझेटमध्ये त्यांनी आपले डोळे पासवर्ड ठेवले आहे. त्यामुळे अडचणी वाढल्या आहे. 

हेही वाचा - बंगल्यामागे आढळली मृतदेहाची कवटी; ओळख पटताच उपस्थितांच्या अंगाचा उडाला थरकाप

सायबर सेलच्या अहवालाची प्रतीक्षा

डॉ. शीतल आमटे यांनी आत्महत्येपूर्वी कुणाशी संवाद साधला. चॅटिंग केले. हे तपासात महत्त्वाचे ठरणार आहे. त्यामुळे सायबर सेलच्या अहवालाची प्रतीक्षा पोलिसांना आहे. त्यानंतर या आत्महत्या प्रकरणाची महत्त्वाचा दुवा पोलिसांच्या हाती लागण्याची शक्‍यता आहे.

संपादन - अथर्व महांकाळ