अमरावती ः कोरोनामुळे लागलेल्या लॉगडाउनमुळे वाहतूक कमी झाली. त्यामुळे अनेक दुर्मिळ प्राणी, पक्षी दिसायला लागले. अशातच रविवारी रात्री पोहरा-चिरोडी जंगलातून जाणाऱ्या रस्त्यावर दुर्मिळ समजला जाणारा इंडियन स्मॉल सिवेट कॅट मृतावस्थेत आढळून आला. भरधाव वेगाने जाणाऱ्या कोण्यातरी अज्ञात वाहनाने त्याला उडविले असण्याचा अंदाज व्यक्त केला जात आहे.
मसन्या उदच्या कुळातील हा एक दुर्मिळ प्राणी आहे. या कुळातील काही प्राणी हे आययूसीएन लाल यादी श्रेणीमध्ये म्हणजे नामशेष होण्याच्या मार्गावर असल्याचे हेल्प फाउंडेशन संस्थेचे अध्यक्ष रत्नदीप वानखडे यांनी सांगितले. भारतीय छोटा उदमांजर हा प्राणी मांसाहारी असून उंदीर, सरडे, बेडूक, पक्षी व त्यांची अंडी, साप हे या प्राण्याचे मुख्य खाद्य आहे. हा उदमांजर रात्रीच निघत असल्याने सहसा दिसून येत नाही.
दिवसभरात तो जमिनीतील खड्ड्यांमधील कपारीत किंवा झाडांवर आराम करतो. पोहरा जंगलात या प्राण्याचे अस्तित्व दिसून आले आहे. परंतु भरधाव वेगाने चालणारी वाहने पोहरा जंगलातील दुर्मिळ प्राण्यांसाठी धोकादायक ठरत आहेत. पोहरा जंगलाच्या रस्त्यावर वनविभागाने मार्गदर्शक पाट्या लावाव्या, असे आवाहन संस्थेचे सदस्य आतिश भिमके, धीरज निरगुडे, गौरव वानखडे, अनिकेत मनोहरे आदींनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.