अमरावती ः शहरातील कोविड रुग्णालयात उपचार घेताना मृत्यूमुुखी पडणाऱ्यांच्या संख्येत वाढ होत आहे. त्यानंतर बऱ्याच घटनांमध्ये मृतांच्या नातेवाइकांच्या रोषाचा सामना येथील डॉक्टर व कर्मचाऱ्यांना करावा लागत आहे.
बाहेरच्या जिल्ह्यातील एका रुग्णाला मंगळवारी (ता. 27) उपचाराकरिता येथील शासकीय कोविड रुग्णालयात दाखल करण्यात आले होते. गुरुवारी (ता. 29) या रुग्णाने दुपारी दोन वाजेपर्यंत मित्र व नातेवाईकांसोबत मोबाईलवर संभाषण केले. काहींसोबत चॅटिंगही केली. परंतु अचानक त्या रुग्णालयात गुरुवारी रात्री आठच्या सुमारास मृत्यू झाला.
त्याची माहिती नातेवाइकांना देण्यात आली. त्याच मुद्यावरुन रुग्णांचे नातेवाईक शुक्रवारी (ता. 30) अमरावती पोचले. त्यांनी थेट रुग्णालय गाठून दुपारी बोलणाऱ्या रुग्णाचा अचानक रात्रीतून मृत्यू कसा झाला. याबाबत डॉक्टर व कर्मचाऱ्यांना जाब विचारला. रुग्णाचा मृत्यू हलगर्जीपणामुळे झाल्याचा आरोप सुद्धा नातेवाइकांनी केला.
वातावरण तापत असल्याचे बघून रुग्णालय प्रशासनाने घटनेची माहिती गाडगेनगर पोलिसांना दिली. वरिष्ठ पोलिस निरीक्षक विजय यादव हे रुग्णालयात दाखल झाले.
कोविड रुग्णालयात नातेवाईकांसोबत संवाद साधताना गैरसमज झाला. त्यातून वाद वाढला. डॉक्टर व नातेवाईकांसोबत झालेल्या चर्चेअंती वाद मिटला.-विजय यादव, पोलिस निरीक्षक, गाडगेनगर ठाणे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.