दारव्हा (जि. यवतमाळ) : येथील जिजामाता कला महाविद्यालयातील 23 विद्यार्थिनींच्या विनयभंग प्रकरणात गुन्हा दाखल झाल्यानंतर फरार असलेला संशयित आरोपी प्रा. अतुल सारडे यास अखेर आज गुरुवारी (ता.9) अटक करण्यात आली. उपविभागीय पोलिस अधिकारी उदयसिंह चंदेल यांच्या पथकाने ही अटक केली.
येथील जिजामाता कला महाविद्यालयात सहायक प्राध्यापक पदावर कार्यरत असलेल्या अतुल सारडे याच्याविरुद्ध महाविद्यालयातील 23 विद्यार्थिनींनी विनयभंगाची तक्रार दाखल केली होती. त्यावर महाविद्यालयाने आपत्कालीन सल्लागार तथा चौकशी समितीचे गठण केले होते. या समितीच्या चौकशीत प्रा. अतुल सारडे दोषी आढळून आल्याने जिजामाता कला महाविद्यालयाच्या प्राचार्यांनी यासंदर्भात दारव्हा पोलिस ठाण्यात 14 डिसेंबर 2019 रोजी लेखी तक्रार दाखल केली होती.
त्यावरून पोलिसांनी प्रा. सारडे याच्याविरुद्ध भादंवि कलम 354, 354 अ, 354 डनुसार गुन्हे दाखल केले आहेत. गुन्हा दाखल झाल्यापासून संशयित आरोपी अतुल सारडे फरार होता. दरम्यान, प्रा. अतुल सारडे यांनी दारव्हा न्यायालयात अटकपूर्व जामीन मिळविण्यासाठी अर्ज सादर केला होता. त्यावर दारव्हा न्यायालयाने तो अर्ज फेटाळून लावला. अखेर गुरुवारी दुपारी उपविभागीय पोलिस अधिकारी उदयसिंह चंदेल यांनी त्यास अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.