वाडी (जि.नागपूर) ः गरजू व गोरगरीब जनतेला कमी दरात भोजन मिळावे, म्हणून 10 रुपयांत शिवथाळी भोजन योजना सत्तेत आल्यावर प्रारंभ करण्याचे वचन मुख्यमंत्री उद्धव ठाकरे यांनी दिले होते. सत्ता स्थापनेनंतर मुख्यमंत्री उद्धव ठाकरे यांनी शिवथाळी भोजन योजना राज्यात लवकरच सुरू करण्याचे निर्देश दिले होते. मात्र, ही शासकीय योजना प्रारंभ होईल याची वाट न पाहता शिवसेनेच्या युवा आघाडीने स्वप्रयत्नाने या योजनेला वाडीत मूर्त रूप देऊन रविवारी संध्याकाळी या योजनेचा उत्साहात प्रारंभ केला.

क्‍लिक करा - सीसीटिव्हीत कैद झाली ही अनोखी चोरी....एकदा बघाच

शिवसैनिकांनी केला स्वखर्चातून प्रारंभ

जिल्हा युवासेना अधिकारी हर्षल काकडे यांच्या संकल्पनेतून आयोजित या "रयत माउली अन्नसेवा शिवथाळी' योजनेचा प्रारंभ खासदार कृपाल तुमाने यांच्या हस्ते, युवासेना जिल्हाप्रमुख हर्षल काकडे, जिल्हा संघटक संतोष केचे, नगरसेवक राजेश जैस्वाल, प्रा. सुरेंद्र मोरे आदींच्या उपस्थित रविवारी (ता.22) पार पडले. वाडी एमआयडीसी वळणावरील हॉटेल राहुलशेजारी या अन्नछत्राची व्यवस्था केली आहे. शासनाच्या कुठल्याही मदतीची वाट न बघता युवासेनेने जनहितार्थ हा उपक्रम प्रारंभ केल्याची माहिती हर्षल काकडे यांनी दिली.

क्‍लिक करा-...तर स्कूलबसमधील 14 विद्यार्थ्यांचा जीव आला असता धोक्‍यात

खासदरी कृपाल तुमानेंनी घेतला भोजनाचा आस्वाद

खासदार तुमाने व पाहुण्यांनी युवासेनेच्या संकल्पाची पूर्तता झाल्यामुळे योजनेचे कौतुक करून महाआघाडी सरकार दिलेली आश्‍वासने निश्‍चित पूर्ण करून खऱ्या अर्थाने प्रजेचे सरकार ठरेल, असा विश्‍वास व्यक्त केला. जिल्ह्यातच नव्हे, तर महाराष्ट्रात कदाचित वाडी हे प्रथम केंद्र असल्याची माहिती देऊन या शिवथाळी केंद्रावर 10 रुपयांत सकाळी 9 ते रात्री 9 पर्यंत अन्नवितरण सुविधा देण्यात येईल. शासनाची मदत प्राप्त झाल्यावर ही योजना अधिक सक्षम व दर्जेदार पद्धतींने यशस्वी करू, असा आत्मविश्‍वास आयोजकांनी व्यक्त केला.

कार्यक्रमाला महाआघाडीचे सुरेंद्र मोरे, अखिल पोहनकर, विजय बिवनकर, अविनाश राऊत, विजय मिश्रा, मीरा परिहार, शत्रुघ्न परिहार, कपिल भलमे, विलास भोंगळे, प्रफुल्ल भलमे, मोनिका राऊत, संदीप उमरेडकर, संतोष केशरवानी, सचिन बोंबले, दीपक रहांगडाले, मोहित कोठे, पिंटू पोहनकर, रणजित संसरे, संदीप विधळे, शिवनारायण पवार, विठ्ठल राव, अखिलेश सिंग, क्रांती सिंग, राजेश शेळके, लोकेश जगताप, रोहित झा, निशांत राऊत, पशिनेजी, पंकज काउंडनय, रजी नायर, सुनील बनकोटी, निखिल डवरे, लक्की नन्नवे, शेरा परमार, प्रमोद जाधव, बी. डी. शरणागत, रमेश सातपुते, पंढरीनाथ राऊत, आकाश इंगोले, सुनील बनकोटी, मोहन पाठक, मंगेश चौरपगार, महादेव सोंटके, श्‍यामलाल सकलानी, संतोष गुप्ता, विजय रडके, पर्वतसिंग सोलंकी, पुरुषोत्तम गोरे, पप्पू पटले, सुहास सिंगरू आदी पदाधिकारी उपस्थित होते.