water shortege in akola.jpg 
विदर्भ

उन्हाळ्यात या खेड्यांना पाणीटंचाईच्या झळा; रखरखत्या उन्हात पाण्यासाठी ते करतात पायपीट

सुगत खाडे

अकोला : अकोला तालुक्यातील खारपान पट्ट्यात येणाऱ्या 64 खेड्यांना तपत्या उन्हात पाणीटंचाईला सामोरे जावे लागत आहे. संबंधित गावांना पाणीपुरवठा करणाऱ्या योजनेचे घुसर जवळ ट्रान्सफार्मर जळाल्याने नागरिकांना रखरखत्या उन्हात पिण्याच्या पाण्यासाठी पायपीट करावी लागत आहे.

अकाेला तालुक्यातील बहुतांश भाग हा खारपाणपट्टात येतो. त्यामुळे अशा गावातील नागरिकांना पिण्याचे शुद्ध व गोड पाणी मिळावे यासाठी खांबाेरा ६४ खेडी पाणी पुरवठा याेजनेअंतर्गत पाणी पुरवठा करण्यात येताे. खांबाेरा येथील उन्नई बांधाऱ्यातून सदर पाणी पुरवठा करण्यात येताे. बंधाऱ्यात काटेपूर्णा प्रकल्पातून सोडलेले व पावसाच्या दिवसात संग्रहित केलेले पाणी साठवण्यात येते. 

64 गावांची तहान भागवणारी ही योजना जिल्हा परिषदमार्फत राबवण्यात येते. परंतु गत काही दिवसांपासून योजनेअंतर्गत अनियमित पाणीपुरवठा होत असल्याने ग्रामस्थांना पाणीटंचाईला सामोरे जावे लागत आहे. मे महिन्यात उन्हाचा पारा वाढत असतानाचा नागरिकांना पिण्याच्या पाण्यासाठी पायपीट करावी लागत आहे. ग्रामस्थांना 10 दिवसांनंतर पाणीपुरवठा होत असल्याने त्यांचे हाल होत आहेत.

आधी पंपाची अडचण आता ट्रान्सफार्मरची
खांबाेरा बंधारा परिसरात एकूण चार पंप आहेत. त्यात 60 व 150 अश्वशक्तिच्या प्रत्येकी दाेन पंपांचा त्यात समावेश आहे. यापैकी दाेन पंप हे राखीव ( स्टॅंड बाय) असतात. या पूर्वी हे पंप बंद पडत असल्याने ग्रामस्थांना पाणी टंचाईचा सामना करावा लागत होता. परंतु आता ट्रान्सफार्मर जळाल्याने ग्रामस्थांना पाणीटंचाईच्या झळा बसत आहेत.

ट्रान्सफार्मर दुरुस्त करण्यात आले
खांबोरा 64 खेडी योजनेअंतर्गत पाणीपुरवठा करण्यासाठी उपयोगात येणारे ट्रान्सफार्मर जळाल्याने पाणी पुरवठा अनियमित होता. नुकतेच ट्रान्सफार्मर दुरुस्त करण्यात आले आहे. त्यामुळे नागरिकांना आता पाणीपुरवठा सुरळीत होईल.
- अनिल चव्हाण, शाखा अभियंता, जिल्हा परिषद, अकोला

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

बीडमध्ये चाललंय काय? जमिनीच्या वादातून माजी सरपंचाची दहशत; रक्तबंबाळ होईपर्यंत तरुणाला बेदम मारहाण, पोलिसांवर राजकीय दबाव?

Latest Marathi News Updates : पुण्यात पीएमपीच्या ब्रेकडाऊनमध्ये वाढ, एका महिन्यात २४०० घटना

Health Insurance Updated Rules: आता फक्त २ तास ॲडमिट होऊनही क्लेम करता येणार हेल्थ इन्शुरन्स! जाणून घ्या योजना

Sindhudurg : सोनाली गावडे मृत्यू प्रकरण, ‘ती’ दुसरी छत्री कोणाची? बांदा पोलिसांसमोर गूढ उकलण्याचे आव्हान

Eknath Shinde Delhi Visit : पावसाळी अधिवेशन सुरु असताना एकनाथ शिंदेंचं दिल्ली वारी, अमित शहांसह वरिष्ठ नेत्यांची घेतली भेट, नेमकी काय चर्चा झाली?

SCROLL FOR NEXT