यवतमाळ : उडीद, सोयाबीननंतर सहकार विभागाने तूर नोंदणीसाठी केंद्र सुरू करण्याचा निर्णय घेतला आहे. सोमवारी (ता. 28) डिसेंबरपासून पोर्टल अ‌ॅक्‍टिव्ह केले जाणार होते. मात्र, पोर्टल सुरू न झाल्याने यंदाचा हंगाम सुरू झालेला नाही. त्यामुळे दोन दिवसानंतरही पोर्टलवर नोंदणी सुरू झाली नाही. शेतकऱ्यांची अडचण पाहता ऑफलाइन पद्धतीने अर्ज स्वीकारले जात आहेत.

हेही वाचा - ED कारवाईत सुसाट, मात्र गुन्हे सिद्ध करण्यात नापास; पाहा रिपोर्टकार्ड

किमान आधारभूत किंमत योजनेअंतर्गत हमीभावाने तूर खरेदीसाठी सहकार, पणन व वस्त्रोद्योग विभागाने प्रक्रिया सुरू केली आहे. हमीभाव केंद्र सुरू करण्यासाठी महाराष्ट्र राज्य सहकारी पणन महासंघ व दी विदर्भ सहकारी पणन महासंघाला पत्र दिलेले आहे. सोमवारी (ता. 28) पासून पोर्टलवर नोंदणी करण्यासंदर्भात आदेश देण्यात आलेले आहेत. मात्र, अजूनही पोर्टल सुरू झालेले नाही. नाव नोंदणीसाठी शेतकऱ्यांसमोर आता नवे संकट उभे झाले आहे. शेतकऱ्यांना किमान आधारभूत किमतीपेक्षा कमी दर मिळू नयेत, यासाठी शासनाने नोंदणी केंद्र सुरू करण्याचा निर्णय घेतला आहे. यासाठी पोर्टल तयार करण्यात आले असून शेतकऱ्यांना यावर नोंदणी करावी लागणार आहे. मात्र, पोर्टल अजून सुरू झालेले नाही. त्यामुळे शेतकऱ्यांना नोंदणी करण्यात अडचणी येत होत्या. सध्या तूर निघाली नसली तरी नोंदणी सुरू करण्यात आलेली आहे. कापूस खरेदीसाठी यावेळी आधी नोंदणी करण्यात आली होती. त्यानंतर शेतकऱ्यांना मेसेजद्वारे कापूस घेण्यासाठी वेळ आणि ठिकाण देण्यात आले होते. तूर खरेदीतही याच पद्धतीने नोंदणी केली जात आहे. यंदा उडीद व सोयाबीनसाठी आधारभूत केंद्र सुरू करण्यात आलेली होते. मात्र, शेतकऱ्यांचा या केंद्रांवर प्रतिसाद कमीच होता. शेतकऱ्यांचे नुकसान होऊ नये, यासाठी हमीभाव केंद्र सुरू करण्यात येणार आहे. 

हेही वाचा - शीतल आमटेंच्या मृत्यूला एक महिना पूर्ण, शवविच्छेदनाचा प्राथमिक अहवाल आला समोर

ऑफलाइन नोंदणीला सुरुवात -
जिल्ह्यात पोर्टल सुरू झालेले नाही. त्यामुळे नोंदणी कुठे करावी? असा प्रश्‍न शेतकऱ्यासमोर होता. शेतकऱ्यांची होणारी अडचण लक्षात घेता विदर्भ मार्केटिंग फेडरेशनने ऑफलाइन नोंदणी करण्यास मंजुरी दिली आहे. त्यानुसार जिल्ह्यात केंद्रावर तुरीसाठी ऑफलाइन नोंदणी केली जात आहे.