अहेरी (जि. गडचिरोली) : कोरोना या संसर्गजन्य महामारीमुळे पूर्ण देशात लॉकडाउन सुरू आहे. त्यामुळे तालुक्‍याच्या ठिकाणी असणाऱ्या उपजिल्हा रुग्णालयात रक्त कमी पडू नये म्हणून भारतीय जनता पक्ष तालुका अहेरीच्या वतीने लॉकडाउनचे सर्व नियम पाळत शनिवारी (ता. 9) रक्तदान शिबिर घेण्यात आले. शिबिरात 52 रक्तदात्यांनी रक्तदान केले. 

देशभरात धुमाकूळ घालणाऱ्या कोरोना या संसर्गजन्य विषाणूमुळे अनेक लोक मृत्युमुखी पडत आहेत. इतर आजाराने ग्रस्त असलेल्या रुग्णांना पण रक्त मिळत नाही. त्याकडे दुर्लक्ष होत आहे. अहेरी उपजिल्हा रुग्णालयात उपचारासाठी पाच तालुक्‍यांतून रुग्ण येतात. त्यामुळे कोरोना संकटाच्या पार्श्‍वभूमीवर रुग्णालयात रक्ताची कमतरता भासू नये यासाठी भाजप तालुका अहेरीच्या वतीने आमदार रामदास आंबटकर तथा भाजप प्रदेश सरचिटणीस व खासदार अशोक नेते यांच्या मार्गदर्शनात इंडियन पॅलेस हॉल या ठिकाणी या शिबिराचे आयोजन करण्यात आले. शिबिरात 52 लोकांनी रक्तदान करून शिबिराला उत्स्फूर्त प्रतिसाद दिला. 

अवश्य वाचा-  जंगलात घात लावून केले त्याने महिनाभरात तिघांवर जीवघेणे हल्ले...

या कार्यक्रमासाठी तालुकाध्यक्ष रवी नेलकुद्री, जिल्हा सचिव संदीप कोरेत, विक्की तोडसाम, नगरपंचायत सभापती नारायण सिडाम, नगरसेवक श्रीनिवास चटारे, दिलीप पडगेलवर, राकेश गुडेल्लीवार, नागेश रेड्डी, अभिजीत शेंडे, अमोल गुडेल्लीवर, दिनेश येणगंटी, उमेश गुप्ता, साईनाथ औटकर व ब्लडबॅंक टीम यांनी सहकार्य केले.